[89607] in tlhIngan-Hol
Re: Hoghvam qaSpu' (2011-09-10)
daemon@ATHENA.MIT.EDU (Robyn Stewart)
Mon Sep 12 11:02:52 2011
Date: Mon, 12 Sep 2011 07:56:17 -0700
To: tlhingan-hol@kli.org
From: Robyn Stewart <robyn@flyingstart.ca>
In-Reply-To: <CAFgJOr0_pMi4gdTsfoV5r6=aoWXPwNHv9seXU+5zww1BONCJcA@mail.g
mail.com>
Errors-to: tlhingan-hol-bounce@kli.org
Reply-to: tlhingan-hol@kli.org
DunbejtaH jInmollIj. yItaHbej. QaghHommeyHeylIj vIngu' DaneH'a'?
<'e' ja'> - 'e' yInop. wot le' 'oH <ja'>'e'.
ghaza - nuq 'oH <z>vam'e'?
'IyjIpt - mu' DaghItlhqa'chugh motlh tlhIngan jatlhmeH chut pabnIS'a'?
tIH'a'mey - nuHvam vIghovbe'. QIn Hutlhbogh naQjej'e' Daqelchugh, vaj
naQ tIn bIH. pu'beH bIHbe' 'e' vIpIH.
moD - qechvamvaD jev yIlo'.
At 17:50 10/09/2011, you wrote:
>Hoghvam cha' lutHommey SangeH. vImughbe', 'ach Halmey law'vo' De'mey
>vIgherta'.
>'ISrayelvaD QaQbe' Hoghvam.
>
>bI'reng
>
># # #
>
>1. 'ISrayel gharwI'pu' mejmoHta' tIrqIy, 'ej yeq QI'meychaj 'e' baq
>cha' qum.
>ghoSmeH Dujmey, merI'tIrenyen bIQDaq chan ngIvchoH tIrqIy
>yo' 'e' ja' rejep tayyIp 'erDowan Qang. wa'ben, wejwen je, ghaza-Daq
>Soj, Hergh je HIjmeH, 'ISrayel veH yo' nIS boQ yej'an, 'ach DujmeyDaj
>weHta' 'ISrayel mang'a'pu' 'ej Hut tIrqIyngan HoHpu'. tlhIj 'ISrayel
>qum 'e' poQ tIrqIy, 'ach veHDaj HubnIStaH 'e' qap 'ISrayel.
>
>2. QIt choH'eghlI'mo' QI' qum, bepmeH, qayro 'IyjIptDaq ghomta'
>ghom'a'. qaStaHvIS, ghom'a' mejta' SanID bepwI'pu' 'ej 'ISrayel rIvSo'
>lujevta'. mupwI'mey, tIH'a'mey je lo'taHvIS, wa' reD luQaw'pu'. rIvSo'
>qoDDaq 'ISrayel joqwI' lujotlhpu' 'ej 'IyjIpt, paleStIn je joqwI'mey
>peppu'. rIvSo' Qorwaghmeyvo' navmey woD. jevwI'pu' ghomHa'moHmeH,
>rIvSo'Daq moD vatlhmey negh. tlhaStaHvIS, rIQchoHpu' wa'SaD loSmaH
>Hut--loSmaH jav mangpu' togh mI'vam--'ej Heghpu' wej. 'IsrayelDaq
>Haw'ta' Duy'a', gharwI'pu' latlh je. 'IyjIptvaD rojmab pabtaH 'ISrayel
>'ej chegh Duy'a' 'e' ja' bInyamIn netanya'u Qang.
