[89555] in tlhIngan-Hol
nuq bop bom: 'ay' cha'maH wa'
daemon@ATHENA.MIT.EDU (Robyn Stewart)
Sat Sep 10 04:23:05 2011
Date: Sat, 10 Sep 2011 01:08:07 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
And here is today's episode, about eight hours earlier than usual,
but it's Saturday here.
You may recall that Mahoun HoD and his QeDpIn had just delivered
vajar's Sotlaw' and Mahoun's bill to a Satlh tej named 'eSSIm, and he
is now answering her question regarding when he will again sally
forth, "ghorgh bIlengqa'?"
-----
21
jang Mahoun. "yuQvamDaq malja' wIHuq wIneH. mIpbe'law' nganpu'vam.
Huch ghaj'a'?"
"chaq tu'lum 'IH je'qang. 'ej vengDaq Suy' law' boSamlaH. chaq DIr
chISqu' boje' boneH."
yay'choH Mahoun 'ach yaj tlhIngan. "Ha'DIbaH DIr vIqel. chISqu' je
Ha'DIbaHchaj. Huj, qar'a'?"
"maHvaD Huj DIrlIH qIj 'ej ghaytan SoHvaD Huj DIrmaj SuD."
"Dajbej DIrlIj'e'. pIm'a' vavlI' mut, SoSlI' mut je?"
yIvbeH tuQbe'taH 'e' tlhoj Mahoun. "ghobe'. tlhIngan DIr
Daghovbe''a'? nonchoHpu' DIrwIj, muvormeH tlhIngan Qel tlhIngan DIr ngeb lo'."
"vIHotqa' 'e' Dachaw''a'?" tlhob 'eSSIm.
Hob QeDpIn 'ej pa' reD pojmeH Hoqra' lo'choH.
DeS much Mahoun 'ej DIr HotmeH nItlhDu' lo' tlhIngan. SuDbogh DIr
yach ghIq Hurghbogh DIr yach. mon.
"qaS nuq?" tlhup QeDpIn. "yImugh jay'."
"naDev vengDaq HatlhDaq je ghaytan malja' wIHuq. tlhongqang veng
Suy'. qaStaHvIS wa' ram maratlhbej. qaSlaH QuQ leH. DujvaD yIja'."
QumwI' lel QeDpIn 'ej De' QumchoH.
DeS nuDtaH 'eSSIm. pay' DIr larghmeH joD ghaH 'ej purqu' ghIch.
"He'DI' tlhIngan DIr rur 'e' vIDaj," QIjmeH jatlh.
"rur'a'?" tlhob Mahoun. rurvIp.
"ghobe'. jIlargh'egh neH."
larghmeH tlhuHchoH Mahoun 'ej purtaHvIS, ghIch bIngDaq tlhIngan DeS
much be'. "DaparHa' 'e' vItul."
qagh QeDpIn. "qatlh Sularghchuq? tlhIngan tay 'oH'a'?"
QeDpInvaD jang Mahoun. "HIja', 'ach bong tlhIngan Hol lo', vaj pIwDaj
parHa' 'e' yaj be'. "HIja'," jatlhqa' Mahoun, yel Hol lo'taHvIS. "tay
ram 'oH."
bIghHa'Daq qama' 'avtaHvIS negh, DalchoH Qu'chaj. qama' SaHbe'
HochHom. rut nga'chuq 'avwI'pu', vaj ngaghmeH mIw tu'pu' Mahoun. reH
bang larghlu' net jatlh. tlhIngan be' SeymoHlI' 'e' yaj. Mahoun
HemmoH ghu'vetlh 'a bItmoH latlh ghu'. Mahoun'e' SeychoHmoHmo'
tlhIngan be' bItbej. 'ach neHchoHghachDaj temqangbe'. meqna' Sovbe'
Mahoun, 'a qaD'eghlaw'meH tlhIngan mInDu' bej 'ej jatlh "ghghghghghghgh."
yev be'. bejchuqtaH Mahoun 'eSSIm je. lajQo'chugh 'eSSIm, ghu' yajbej
Mahoun. lajHa' 'e' pIH. ghaytan nov ghaHmo' qech qelbe'pu' be'. chaq
ghaHvaD Saj rur yelwIyyItngan. 'a qech qelba'lI' be'. qaStaHvIS tup
naQ jatlh pagh. jang be' neH Mahoun. lajHa'chugh SaHbe'. tlhob 'e'
ngIlmo' <mughIjbe' tlhIngan> 'e' maq. lajHa'chugh <tlhIngan jIHbe'> 'e' maq.
qaghqa' QeDpIn. "tayvamvaD jI'utbe', qar'a'? HurDaq Sung tIr vIpoj
'e' vImaS." [1]
"bIlugh," jatlh Mahoun, tay'taHvIS Ho'Du'Daj. "yImej." qep Dalvo' Haw' rollIw.
------
SKI: Essim advises Mahoun on the local economy, then initiates a
Klingon ritual. The science officer leaves because he doesn't
understand spoken Klingon.
-----
[1] All the words sound like ghghghgh to rollIw. Can you imagine how
many protracted alien three-cups-of-tea type rituals you'd have to
sit through to establish business relationships for interstellar
commerce? I think Mahoun needs him aboard to assess the value of
alien science and biological specimens, but he really doesn't fit in
with the merchant crowd.
----
'ay' cha'maH wa' was originally the penultimate chapter of
'ay''a'vam, with the final chapter taking place aboard the Farsajii.
I was going to leave the intervening events to your imagination, so
if your prefer your stories to be discreet and/or chaste, the story
still works perfectly well with either or both of the next two chapters omitted.
