[89499] in tlhIngan-Hol
chIjwI' tIQ bom: 'ay' wej
daemon@ATHENA.MIT.EDU (Rohan Fenwick - QeS 'utlh)
Thu Sep 8 06:41:18 2011
From: Rohan Fenwick - QeS 'utlh <qeslagh@hotmail.com>
To: <tlhingan-hol@kli.org>
Date: Thu, 8 Sep 2011 20:32:18 +1000
Errors-to: tlhingan-hol-bounce@kli.org
Reply-to: tlhingan-hol@kli.org
Sitting in my motel room at this nuclear facility I'm working at this
week (I kid ye not), interwebs access has been patchy and I've been
working hard at catching up with <nuq bop bom>. While the Net's been
out of reach, it's back to the Rime, and this section's been kicking
my arse harder than the previous two. The laudanum was really working
its magic when Coleridge wrote this part, I think.
'ach not jegh tlhIngan SuvwI', and so here's a first draft of chIjwI'
tIQ bom, Part III: in which sunset falls on our ship and despite the
still air, another ship appears, bearing a sinister crew. As usual,
comments, suggestions and criticisms are welcome.
chIjwI' tIQ bom: 'ay' wej
DaH qaS poH Doy'. QaDchu' Hoch Hugh
'ej QaD je Hoch mInDu'.
Doy'qu' poHvetlh! Doy'qu' poHvetlh!
QaDqu' je Hoch mInDu',
pay' 'ev tIngDaq jIbej, 'ej pa'
chalDaq vay''e' vItu'.
lam 'ay'Hom 'oHlaw'pu', 'ach tugh
chenchoHlaw' 'engHom Sub.
vIHchoHtaHqu' 'oH, 'ej tagha'
chen DochHey[1] 'e' vIQub.
< lam 'ay', 'eng mach, DochHey! > jIQub!
nuchollI'meH He cher,
bIQ qa' junlaw'taHmeH DochHey,
jIm 'oH, 'ej ron, 'ej Der.
maHaghlaHbe', majachlaHbe',
'oj Hughmaj, meQ je wuS;
maQaDtaHvIS matamtaH maH,
'ej DeSwIj'e' vIchopchoHtaH,
< vo'wI'! > jIjatlh. jIchuS.
'oj HughDu'chaj, qIj wuSDu'chaj,
poS Hoch nuj; < toH! > jIjach:
jIjachDI' jIH, latlh'e' pay' pur,
tlhutlhqu'law'bogh nuvpu''e' rur;
monchoHmoH beltaHghach.
< pebej! > (jIjach) < Derbe'choHpu'!
nuQIHmeH chol 'ej qaD!
yu'egh SuS je Hutlhqu'taHvIS
chongchoHmo' SomDaj, ngaD! >
meQlaw' tIng 'ev yu'eghmey'e',
'ej tlhoS vanpu'qu' jaj!
tIng 'ev yu'eghDaq tlhoS ba'choH
wovqu'bogh jul HoSghaj,
maH jul je jojDaq Dochvetlh'e'
pay' 'elchoHDI' QIbDaj.
SIbI' jul'e' So' mo'Hey reD,
(nutoDjaj qeylIS qa'!)
bejlaw'DI' meQbogh qabHey tIn,
rurlaw' bIghHa' qama'.
< Qu'vatlh! > (vIH tIqwIj, vaj jIQub)
< nom Dujmaj cholqu'lI'!
bIH'a' vo'wI'Daj'e', julmo'
ghew SIrgh rurbogh vo'wI'?
jul wov luSo'bogh joQDaj'e'
'ej mo' rurbogh bIH'a'?
'ej ngIq beq ghaH'a' be'vetlh'e'?
cha' tu'lu'! latlh ghaH'a' Hegh'e'?
Hegh'e', be' beq ghaH'a'?
Doqqu' be' wuS, tlhab[2] qabDaj'e',
baS SuD rurqu' jIbDaj:
ropwI' DIr chIS rur DIrDaj'e',
< yInlaw'bogh Hegh > ghaH be'vetlh'e',
ghaH najchugh vay', ghaH Haj.
maH retlhDaq DonchoH Dujvetlh tIn,
luQujtaHvIS cha' beq;
< Quj chavlu'ta'! Qapla', Qapla'! >
jatlh be', 'ej wejlogh weq.
ghIq ghIr jul HeH, pay' narghchoH Hov:
SIbI' Hurghqu'choH ram;
bIQ'a'Daq tlhuptaHvIS neH tlheD
'ej nom Haw' qa' Duj tam.
qa' Duj wI'Ij; wIbejtaHmo',
HIvje' rur tIqwIj 'ej 'oHvo'
tlhutlhlaw' ghIjchu'ghach tIn!
ram muD jeD, Hov Hurgh je DISIQ,
vo'wI'majvo' pumqu'taH bIQ,
Sechmo' wov DeghwI' mIn -
ghIq chan ghangwI'Daq nargh maSwov,
tlhoS maS So'lu'pu'bogh[3]: 'ej Hov
SIq maS pIrmuS 'er'In.[4]
maH DungDaq leng maS tlha'bogh Hov;
wa' mu' jIjachlaHpa'
mubejmeH tlhe'ta' ngIq qab moH,
bIHmo' jI'IghchoHta'.
yInwI'pu', yInbogh cha'vatlh nuv:
yInbe'bogh ngoghmey moj.
pumDI' chaH 'ugh, 'ach jatlh pagh Hugh,
tugh pumpu' Hoch 'ej loj.
Heghpu'bogh lomvo' puv Hoch qa',
chaq Quch Sanchaj, chaq qab!
'ej ngIq qa''e', mujuSbejta',
wab rur baHjanwIj wab!
------------------
Qov's idea of footnotes seems good here.
[1] This is crap. net Sov. Any attempts at providing an alternate for
"shape" or "form" will be owed big time.
[2] Perhaps a little too literal an interpretation. Does it work?
[3] Any of the people who read the 'u' libretto at qep'a' happen to
remember how Marc phrased the Klingon for "crescent moon"? I think it
was something along these lines, but I can't remember for certain.
[4] This verse took a lot of work; it's the most complicated one in
the whole Rime. Instead of the normal ABCB rhyme form Coleridge went
right round the twist here with an AABCCBDDB. petaQ. At least there
were no half-line rhymes in it or I'd've shot myself by now.
QeS 'utlh
