[89484] in tlhIngan-Hol
nuq bop bom: 'ay' wa'maH chorgh
daemon@ATHENA.MIT.EDU (Robyn Stewart)
Wed Sep 7 09:35:08 2011
Date: Wed, 07 Sep 2011 06:18:22 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
Woo, getting near the end. Now I doubt I'll have the next 'ay''a'
ready in time, so you may get a chance to catch up. Let me know if
you've got any favourite loose ends you'd like tied up.
---------
18
be' ghogh qaq law' De'wI' ghogh qaq puS 'ej 'Illaw' be'. leSchoH
Mahoun. Qu' qaw. 'eSSImvaD De'wI' ta nob. "SoHvaD ngeH vajar HoD."
mIS 'eSSIm. "vajar HoD vISovbe'. tepqengwI' HoD ghaH'a'?"
"ghobe'. Duj mach. legh."
ta nuDchoH 'eSSIm. "naDev cha'bogh De'wI' vIghajbe'. vISuqnIS.
peloS." vay' rI' 'eSSIm. ja'chuqmeH Sung Hol lo'.
MahounvaD QeDpInvaD je jatlh "naDev cha'laHbogh De'wI' tu'lu'be'. nuq 'oH?"
"bom DaQoy neH."
"qayajchu'be'. bom vIQoy neH'a' vajar HoD? qatlh?"
mu'mey Sovbogh QIt lo' Mahoun. "rIQ Duj. batlh."
yajchoHlaw' tlhIngan. "vaj taDaq Quv, De' pegh tu'lu'. Heghpu''a' vajar HoD?"
"ghobe'. DujDaq yIntaH. pa' yIntaH loS tlhIngan."
MahounvaD "qay' nuq?" jatlh QeDpIn. "qatlh ta cha'be'?"
"cha'laHbogh De'wI' Hutlh," mugh HoD. "ghaHvaD vIDellI'."
"tlhIngan Hol Dajatlhchu' 'e' vISovbe'," jatlh QeDpIn.
"vIjatlhchu'be'," jang HoD. "poH nI' tlhIngan bIghHa' jIHtaHmo' loQ
vIghojpu'. DaH jImer'egh. vIjatlhchoHDI' ngeDlaw'."
"tejvaD Dujmajvo' De'wI' vISuqlaH."
"maj. yIrI'. lujollaH."
"vISuq jIH vIneH. 'aHwIj Suj vay' vIneHbe'. 'ej puchpa' vIlo' vIneH je."
Hagh HoD. "yIjaH."
'eSSImvaD QIj Mahoun 'ej Qochbe'.
ja'qa' HoD "yIjaH."
"'ach qamobmoH vIneHbe'. vIlay'ta'."
"vIcherghlaH. muHoHbe' be'vam 'e' vIHar. tej ghaH. "
jolmeH qach mej QeDpIn.
mobchoH Mahoun tlhIngan je. jatlhbe'. leSHa'choH 'e' tu' 'tlhIngan.
jatlhqa'DI' be' tam ghoghDaj, "nIjoy'law'mo' tlhIngan jIQoS."
"joy'be'," pe'vIl jatlh Mahoun. "yu' neH. QI' pegh vISovbe'."
"'e' Dajatlhpu'," jatlh tlhIngan.
"wa'vatlhlogh mu'meyvetlh vIjatlh 'ej wa'vatlhlogh mugh janvetlh 'e'
vIQoy. 'a not Har."
"qaHar. 'ej bIyIntaHmo' nIHarlaw'."
Mahoun qIp mu'mey 'e' tu' tlhIngan. "ngoD 'oH neH," jatlh. "po'bej
tlhIngan joy'wI'pu'. QI' pegh DaSovchugh, bIjatlhbe'chugh nIjoy'chu'.
QI' pegh 'oHbe' ngoDvetlh."
tlhuHqu'choH Mahoun. joy'wI' ghaHbe' tlhInganvam'e' 'ach joy'bogh
tIgh laj. joy'laHmo' tlhInganpu' Hemlaw'. SatlhvaD 'utchoHchugh,
joy'choHbej. tlhuHqu'taHmo' Mahoun tlhuHHa' 'ej yapbe' yInSIp
tlhuHpu'bogh. vulchoH 'ej yavDaq pum.
--------
Hey, at least I didn't break his arm. I haven't broken anyone's arm
this whole story. What a warm fuzzy story. Only a little bit of off
screen torture. Have to fix that.
I think you'll all get it without a note, but as I really appreciate
the feedback I'm getting I'll be explicit. I haven't messed up my
prefixes in Mahoun's speech and he isn't insulting his host by
switching from clipped to proper Klingon. He's starting out thinking
in his own language Hol and consciously selecting words to say, but
as he starts speaking more, he relaxes and speaks better.
At first I was going to write Mahoun's lines all in very poor
Klingon, but I started slipping up and improving it, and then I
realized I really liked the idea that he feels as though he has
memorized a little Klingon, and he feels better believing that he
only knows a few words, but really he has absorbed it through the
most brutal learning programme ever, and when he stops thinking about
it, is quite close to fluent. In more than just the language. But
more on that in the next chapters.
