[89418] in tlhIngan-Hol
nuq bop bom: 'ay' wa'maH vagh
daemon@ATHENA.MIT.EDU (Robyn Stewart)
Sun Sep 4 10:53:02 2011
Date: Sun, 04 Sep 2011 07:38:11 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
Today's installment of the story Qov won't stop telling. If it gets
ten times longer than it is now, it will last until the next qep'a',
and I'l be able to tell those installments in person.
15
Sojpa'Daq QeDpIn Sam HoD. tIr ngogh Qaw'taH. 'ay' ghor ghIq ghorqa'
ghIq 'ay'meyvo' 'ay'mey mach wItlhtaH. luDechtaH SanID Soj 'ay'mey
machqu'. bejtaHvIS HoD qettlhupDaq wa' 'ay' lan ghIq Sop.
jatlh HoD, "bIqej jatlh chIjwI'. 'a Soj chun DabIj 'e' vIpIHbe'."
"chojatlhQo' jay'."
"qajatlhqangbej. qajatlhmeH qanejta'."
"DaH tlhInganvetlhvaD pagh Dawel 'e' DachIDrup'a'?"
"chaq. ghu'vam yIqel: pagh vIwelchugh 'ej not qaSpa' DaHjaj tlhIngan
vIqIHchugh, Qu'vammo' bIbep'a'?"
"Qu'vam vIyajbe'."
"nuq yajnIS vay'? Duj Qotlhlu'pu'bogh wItu'. beqDajvaD QIn wIHIj."
"DIlbe'pu' chaH."
"tugh DIl. chaHvaD DIlmeH De' vIngeHbej."
"qatlh lutoDlu'pa' DIl 'e' DapoQ?"
"loghDaq DIlmeH chaH vay' Sub lo'nIS. vay' Sub lungeHchugh chaH,
maHvaD QoblaH ghu'. Dujmaj lujon 'ej nuHoH ... qoj nujoy'."
"'a toDlu'DI' not DIl."
"DIl. batlh vang 'e' vIHar."
QeHqa' QeDpIn "DuHoHbe'mo''a'?"
jottaH HoD. "ghobe'. DujDaj tamey vIghaj 'ej 'u' naQvaD vI'angqang."
"qatlh SaH?"
"tlhIngan ghaHmo'. DIl."
Soj 'ay'mey SoptaH QeDpIn. "jIyajbe'. bImaw'. qatlh qachergh?"
"chorurbe'mo' beqwIjvaD bIpup. HanDogh DI Dapojta''a'?"
"nuqjatlh?"
"tlhIngan Duj DI wIHotlhpu'. Dapojta''a'? Daj'a'?"
"nIn, baS, wa' lom je lutu'lu'. wej vInuDqu'ta'."
"wanI' De' DaghajDI' HISovmoH. meghlIj yItIv."
naH tlhap HoD 'ej tlheDchoH.
lojmItDaq tlhe' 'ej jatlhqa', "yuQvamDaq mapawDI' mughIjbe'meH
tlhInganpu' chotlhej vIneH. DaH qunwIj DaSov. tlhIngan vIleghDI'
jIlIm vIneHbe'. naDev malja' wIHuq neH vIneH. choboQqang'a'?"
"DaHjaj bIlImbe'. DaHjaj maqochlI' ghaH tlhIngan'e' 'e' HarlaH vay'."
"chotlhej'a'?"
"chaq Daj tlhIngan Satlh mIw."
"qatlho'."
-----
SKI: The captain finds the science officer in the galley, and asks
him to accompany him planetside when they get to their destination.
