[92136] in tlhIngan-Hol
[Tlhingan-hol] ghojmoHwI' yIDuQQo'!
daemon@ATHENA.MIT.EDU (Qov)
Fri Feb 10 15:02:20 2012
Date: Fri, 10 Feb 2012 11:58:41 -0800
To: tlhingan-hol@kli.org
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
'etlh vIyan 'e' vIghoj.
DaHjaj po jIqeqtaH. mIw ra'ta' yan po'wI'. jIQot 'ej bIng vIbej,
volchaHDu'wIj bIngDaq ghopDu'wIj lutu'lu'. wa' ghopDaq yan vI'uchtaH.
jIpep'eghmeH DeSDu'wIj vISIHHa'nIS, wantaHvIS DubwIj, ghIq nom
jIQamnISchoH 'ej nachwIj vIQanmeH yan vIlo'nIS. mInDu'wIj tlhopDaq
ret'aq tu'lu'nIS 'ej 'et ghoSnIS QIn.
mutlhuHmoH mIw. nom vIta'nIS 'ej qaStaHvIS wa' tup vIta'nIStaH:
burghDaq jIQot, yuv DeSDu', jIQamchoH, jIHubchoH, jIQotqa', jItaH.
jIQan'eghchu'taH 'e' tobmeH rut chol yan po'wI'. yanwIjDaq yan
QachlI'. qarchugh mIwwIj nachwIj vIQantaH 'ach jIngorchugh pagh
HoSbe'chugh DeSDu'wIj, nachwIj QIplaH po'wI'. nurIQmoHbe'meH yan tun
lo' ghojmoHwI' 'ach yan 'ugh vIlo'. jejbe' HeHmey QIn je 'ach let baS.
jIQamchoHDI' 'ej 'etlhwIj vIpeptaHvIS, ghojmoHwI' 'etlh vIlegh.
jIQan'eghmeH nuq vIta'? yanwIj vI'uchbe'. bong jIjop 'ej
ghojmoHwI'wI' ghop vIDuQpu'.
jItuHqu'pu'. jIQob jIneHbe'. ta'pu' DujlIj jatlh po'wI' 'ach ghojwI'
qab jIH. motlh Duj vIHutlh. QeHbe'mo' 'ej rIQbe'mo' ghojmoHwI'
jIQuch, 'ach bong vIHIvmo' jIQuchbe'.
DaH vay' vIQIDvIpmo' chaq jISeybe'choH.
- Qov
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
