[91597] in tlhIngan-Hol
[Tlhingan-hol] qoqqoqmey - jaj wa'
daemon@ATHENA.MIT.EDU (ghunchu'wI' 'utlh)
Sun Jan 8 12:37:49 2012
From: "ghunchu'wI' 'utlh" <qunchuy@alcaco.net>
Date: Sun, 8 Jan 2012 12:37:11 -0500
To: Klingon language email discussion forum <tlhingan-hol@kli.org>
Errors-To: tlhingan-hol-bounces@stodi.digitalkingdom.org
ghojwI' ghom vIboQ, chaq net qaw.
cham QeD je bop ghomvam.
cham QeD je neH buSchu'be'.
malja' qel je.
QumlaHghach qel je.
QeD lop nughmaj wIneHmo', QeD wIlopchu'.
choHmeH nugh wIvum.
Hoch DIS qoq wIchenmoH.
Qu' ta'nIS qoq.
Quj 'ej 'ov qoqmey.
qoq mangghom luchen wej qoq.
ghobchuq cha' mangghom.
Hoch DIS pIm Quj chut.
wa'Hu' chut chu' wISovchoH.
che'ron megh'anDaq 'er'InDaq je DoS bIH loS ghomey SaS.
DoSDaq moQ wobnIS qoq.
jen wa' DoS 'ej wej DeQ 'oS.
'eS wa' DoS 'ej wa' DeQ 'oS.
cha' DeQ 'oS cha' DoSmey chuv.
che'ron wav tlhoy' 'eSqu'.
ghaytan tlhoy' lutoSlaH 'op qoqmey.
'utqu'be' toSlaHghach.
tlhoy' DungDaq lengmeH qoq, ronbogh jan veghlaH.
roD SaS jan vaj jen HeHDaq, 'ach HeH Sum ghIrmoHlaH qoq.
SuD wa' ronwI 'ej 'oH lo'laH mangghom SuD neH.
Doq wa' ronwI' 'ej 'oH lo'laH mangghom Doq neH.
chIS wa' ronwI' chIS 'ej 'oH lo'laH Hoch.
DaH qoq wIrennIS.
naplaw' chutmey.
chaq tugh Qatlh 'e' wIlthojchoH.
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
