[89604] in tlhIngan-Hol
nuq bop bom: 'ay' wa'maH wa' "B"
daemon@ATHENA.MIT.EDU (Robyn Stewart)
Mon Sep 12 10:42:36 2011
Date: Mon, 12 Sep 2011 07:32:29 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
Here is the second of the afterthought 'ay'mey, wedged in between 21
and 22 just before I sent out 21. If you prefer to read the story
online, 'ay'vam is at
<http://nuqbopbom.blogspot.com/2010/02/ay-chamah-wa-b.html>http://nuqbopbom.blogspot.com/2010/02/ay-chamah-wa-b.html
Recap:
Essim and Mahoun have just completed her race's oldest ritual.
----
21B
'eSSIm 'uSDu' jojDaq QottaH Mahoun 'ej ngechDajDaj leStaH nachDaj.
yelwIyyItngan ghaHchugh 'eSSIm'e', DaH be'vaD <bI'IHqu'> jatlh, 'ej
ghaHvaD qa''e' yach. 'ach yelwIyyItngan ghaHbe'ba' 'eSSIm'e'.
tlhIngan ghaH. Dunbej chabDu'Daj 'ach DaH, nachDaj pepchoHpu'DI'
Mahoun, moH qabDaq vIl. 'eSSIm qoDDaq machchoH Mahoun. jatlhchoHchugh
Mahoun, jatlhchoH be' 'ej ghaytan Mahoun QeHqa'moH qechmeyDaj QIp.
Ha'DIbaH ghaH neH 'a vuvbe'mo' Mahoun, Ha'DIbaHvetlh ngaghlaH,
Ha'DIbaH mojbe'taHvIS. QamchoH Mahoun. yopwaHDaj tuQmoH, ghIq
De'wI''e' qempu'bogh QeDpIn, yIvbeHDaj je tlhap. tlheDpa' be'
bejbe'qa'. ghatlhpu'. DaH poQbe'.
qachHom HurDaq tujqu'taH muD 'ej wov jul. lISpu'DI' mInDu'Daj, QeDpIn
nejchoH. leghlaHbe'. yotlh SumDaq vum Sungpu' puS. tIr yoblaw. tI QaD
pe'meH tInbogh 'etlh SaS luqeng cha' loDpu'. Soch 'uj 'ab 'etlh. loD
wa'DIch volchaHvo' HuS wa' 'e'rIn 'ej cha'DIch volchaHDu'vo' HuS
megh'an. yIttaHvIS cha' loDpu' tIr pe'taH. pumpu'DI' tI boS puqpu'
'ej rutlh ghajbogh HIjwI' machDaq lan. lutlh. Qu' ta'laHbej mIqta'.
mIqta' 'Itlh je'meH Huch Hutlh Sungpu'vam, 'ach chaq mIqta' nap
ngevchugh Mahoun mIqta' 'Itlh neHchoH. 'etlh yan 'e' lumev loDpu'.
DaH jejqa'moHlaw'lI'. vaj ghaytan jejmoHwI'mey QaQ ngevlaH Mahoun.
jejmoHtaHvIS loDpu' Mahoun luchol puqpu'. ghaHvaD Sung Hol jatlh.
yajbe' Mahoun 'ach DIrDaj rIQ SIqba'.
chaHvaD "mururbogh loD boleghpu''a'?" ghel Mahoun. yel Hol, tlhIngan
Hol je jatlh. yajbe'ba' puqpu'. SIq'egh ghIq ghaH retlhDaq latlh nuv
DelmeH ghopDu' lo'. ghIq nejqu'bogh nuv Da. Hagh puqpu'. 'IQwI' Da
Mahoun ghIq nejqa'law'. ghellaw' wa' puq 'ej juH ghom SIq. "maj"
jatlh Mahoun 'ej lurghvetlhDaq yItchoH. Hopbe' juH ghom. cholchoHDI'
bej Sungpu'. juH QIbDaq ba'taH chaH 'ej wIjwI' Qu' ta'law'lI'.
chaHvaD qabDaj SIq 'ej Hoqra' lo'bogh loD Da Mahoun. nejwI' Daqa'.
mIS wIjwI'pu'. pay' yajchoHlaw' wa' be'. Hoqra' lo'wI' Da je ghaH.
bej latlhpu'. Hoqra' wab lIngDI' puq, Hagh Hoch. "HIja'!" jatlh
Mahoun. janglaw' nuv puS 'ach Sung Hol neH lujatlh. ghopDu'
joqqu'moH. pay' jatlh QupwI' "jol!" 'ej DaH joqDI' ghopDu', jolmo'
ngablI'bogh nuv 'oSlaH.
----
SKI: Mahoun leaves Essim, and goes for a little walk to talk to the natives.
wa'leS: 'ay''a'vam bertlham.
