[89414] in tlhIngan-Hol
nuq bop bom: 'ay' wa'maH loS
daemon@ATHENA.MIT.EDU (Robyn Stewart)
Sat Sep 3 11:19:18 2011
Date: Fri, 02 Sep 2011 22:58:15 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
Today's installment of the continuing saga.
Comments, corrections suggestions on Hol, lut or cham all gratefully accepted
14
HoDpa'Daq, DeSDu'Daj nuD HoD. not 'oy' bIH 'ach pa' cha' DIr Segh
DuDlu'. cha' mut DIr DuDlu'. Dun tlhIngan cham. tlhIngan DIr mojpu'
DIr ngeb'e' lanpu'bogh Qel. ghaytan tlhIngan ghaHchugh, DaH rIQpu'
'e' tu'be' HochHom. 'ej tlhIngan ghaHchugh ghaytan rIQmo' Hem. 'a
MahounvaD DeS leghDI', tlhIngan qaw 'ej Hot'eghDI', lu'uch tlhIngan
'e qaw. qaw 'e' tIvbe'. pIj najtaHvIS luweghqa' tlhIngan. rut
najtaHvIS DIrvetlhmo' tlhIngan moj . tlhIngan moj neHbe'bej. bong
tlhIngan Dachugh pay.
mInDu'Daj SoQmoH ghIq Sujbogh qechmey qIlmeH qaStaHvIS vagh tup tlhuH neH.
HoDpa' mej 'ej meH 'el. pa' bejchoH loS mIn chang'eng. jatlh HoD.
"Dotlh yIja'."
jatlh chIjwI', "He wIghoStaH, HoD. ghoch HubmeH SIbDoH wISIchpa' chaw' wIpoQ."
jatlh QumpIn, "ghochvamvaD chaw' SuqmeH Se' vISovbe', HoD."
jatlh chelwI', "lutlh ghoch 'ach chepchoH. ghaytan pa' Sutmey
wIngevlaH 'ej chaHvaD tIr wIHIjlaH. Qu'vamvaD mI' vIghajbe'. nuq
mI'vaD Huch vItogh DaneH?"[3]
jatlh jonwI' boQ, "leH motlhvaD wa' QuQ chu'Ha' neH jonwI'.
ghochmajDaq rep 'ar wIbav 'e' DaHech?"
jatlh HoD. "tugh tlhIHvaD Se' mI' je vISuq. pa' chaq qaStaHvIS wa'
rep neH maratlh, chaq qaStaHvIS wa' ram maratlh. yuQvam wIbavtaHvIS
SaSovmoH. tlhoy ngajchugh poH wejleS yuQDaq wISaq. yap'a'?"
"lu' HoD," jatlh loS ghogh.
"maj," jatlh HoD. "SanaD. yuch neH'a' vay'?" beqvaD yuch 'ey nob HoD. Quchlaw'.
"nuqDaq ghaHtaH QeDpIn'e'?" jatlh HoD.
"jatlhbe'pu'. meH mej neH. qejlaw'," jatlh chIjwI'.
"Sojpa'Daq yInroHDaj tu'lu'," jatlh QumpIn.
mon HoD, yaSpu'Daj pIm tIvtaHvIS 'ej jatlh "Sojpa' vIghoS. yInroHwIj
boghochlaH. yuQ wIghoSpa' HIrI'"
-----
[3] I'm currently writing a later chapter with Klingons in it as I
re-edit and send yelwIyyItngan chapters. It's disorienting. I'm
relatively certain that Klingons do not track account numbers for
their mission expenses.
Summary for the Klingon Impaired (SKI): The captain examines his
healed arms, and the way they make him feel, then goes to find his
science officer.
