[89186] in tlhIngan-Hol
nuq bop bom: 'ay' vagh
daemon@ATHENA.MIT.EDU (Robyn Stewart)
Thu Aug 25 12:51:22 2011
Date: Thu, 25 Aug 2011 09:38:28 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
Part five of the continuing saga. Whom will Qov kill or injure today?
What bizarre word substitutions or forgotten snippets of grammar or
usage await?
5
QumwI'vo' "qaS nuq jay'?" jatlh ghogh. vempu' Hung yaS 'ej rI'.
"'orqa''a' ghIrel?"[1]
"Heghlaw'pu' ghIrel," jatlh HoD. "jormo' chev'eghpu' HanDogh. jonwI'
pa' DaSIchlaHchugh yIruch. DuHbe'chugh, meH yIghoS."
DeghwI'vaD, "maDIng 'e' yImev," jatlh HoD. "lolSeHcha 'eDSeHcha joq
neH Dalo'taHvIS manech 'e' yInID."
Hemba' DeghwI'. nIteb Qu'vam potlh ta' 'e' voqba' HoD. "lu' qaH!"
jatlh. qaStaHvIS lup puS SIm DeghwI', ghIq SeHlaw Hot. DIng 'e' mev
Hovmey. nIHDaq nIjbogh nIn juSchoH Duj.
"poSDaq yIghoS!" ra'qa' HoD.
"poSDaq machung," qagh yaS wa'DIch. "nujuStaH nIn. loQ machunglaH
neH. wa' waQ wa'maH vagh vatlhvI' Hong Do wIchavta'."
"wa' waQ!?"
"maghoSmeH 'oghbe'lu' patvam. bong ngaDchu'be'mo' loQ wIlo'laH. QIt,
pIpyuS wIrurtaHvIS maghoS."
HaStaDaq gho chenmoH nIjtaHbogh nIn. jatlh yaS wa'DIchvaD, "nIn Dotlh
vI'ollI'."
jang HoD, "wejmaH cha' vatlhvI' natlhta' Qu'. DaH nIjpu' cha'maH Hut
vatlhvI' 'ej qaSpu'DI' wej rep wejmaH loS vatlhvI' wIchIlpu'. ngugh
chIm nIn ngaSwI'vetlh 'ej mev. yIntagh lolSeHcha je HoSlaw'moH
ratlhbogh nIn qaStaHvIS Soch jar. yI'ol, 'ej yuQ DISIchlaHbogh
DaSImta'DI' yIja'."
chaq 'evnagh Sotlaw' Hev tlhIngan yo' je. chaq. Summo' Qab Hov[2],
naDevvo' Qatlh. yInchugh jonwI' chaq vay' 'oghlaH. QuQ leHlaH
latlhpu' 'ach loghDaq Duj lutI'laHbe'.
Duj ngaDtaHmoHmeH vumtaHvIS DeghwI', HanDogh pIgh 'angchoH HaSta.
loghDaq HuStaH DI Sar neH. DI Hotlh HoD 'ej HaStaDaq wa' 'ay' tInmoH.
jonwI' lom ngu'laH Hoch.
qaStaHvIS wej lup tam chaH, ghIq meH teb Hegh bey. tamqa'DI', jatlh
HoD, "Som QIHlaH DIvetlh. wIbachlaHbe'. 'uchmeH tIH?"
"jISImlI'," jatlh yaS wa'DIch, ghIq "DIjunpu'."
"maj." jatlh HoD. SeHlaw HotchoH 'ach bong ghop nIH lo'choH. 'oy'.
DeghwI'vaD jatlh yaS wa'DIch. "Hota'ro', pa'lIj yIghoS. yIQong.
wa'maH Hut vatlh rep yIchegh. qaStaHvIS ram chaq meHDaq bImob. Degh
DaruQnIS. bIDughnIS."
qaStaHvIS wa' lup yev DeghwI'. yaS wa'DIch tlhoch HoD 'e' loS.
qaSbe'DI' "lu' qaH!" jatlh 'ej yaS wa'DIchvaD Degh Qay.
----
[1] ghIrel being the personal name of the jonwI'. I'm not sure I can
expect you to remember that in this context.
[2] My sympathy for Trek writers continues to increase. It's gotta be
hard coming up with a new reason they can't use the regular toys to
get out of a predicament every week.
Samer! DaHjaj pagh vIHoH, 'ach jonwI' vIHoHta'mo' lom vI'ang. That
wasn't actually in the story until today but I didn't want anyone to
think he could be alive.
