[88830] in tlhIngan-Hol
qoqqoqmey - jaj wejmaH Hut
daemon@ATHENA.MIT.EDU (ghunchu'wI' 'utlh)
Thu Feb 17 10:18:51 2011
Date: Thu, 17 Feb 2011 10:04:24 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj DeS wIloS.
jImIS.
wa'Hu' wanI'mey DaHjaj wanI'mey vIDuDlaw'.
vIqawHa'ba'.
qay'be'.
qaSpu' Hoch vIDelbogh 'ej chaq lughbe' jaj neH.
Qapbe'taH DeS.
nguSDI' pIm lujomlu'.
SaHbe' baS SIrghmey.
DeS luvIHmoHlaHbe' nguSDI'.
vumtaH DeS pat beq.
tlhetlhlaw' 'ach ta'be'law'.
qoq ngo'Daq HaSta noch vIlIS.
taghDI' Quj ray'vo' Hopmo' DoS leghchu'be'.
DuvnIS qoq ray' puSlaHpa'.
qay'be'.
rutlhmey leng juvlaH qoq 'ej Duv'eghmoHlaHbej.
wej tut chenmoH neSlo'nav ray'.
Hoch tutDaq law' DoS.
tut ngu'laHmeH qoq wIghunnIS.
Qatlhbe' Qu'vam.
DoSDaq gho wIHuSmoHmeH DeS vaQ wIpoQ.
Qapbogh DeS wIHutlh Saja'pu''a'?
-- ghunchu'wI'
