[88757] in tlhIngan-Hol
qoqqoqmey - jaj cha'maH Soch
daemon@ATHENA.MIT.EDU (ghunchu'wI' 'utlh)
Sat Feb 5 21:27:03 2011
Date: Sat, 5 Feb 2011 21:12:08 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj mavumqa'.
qoq SoSbor jomlu'.
nguSDI' lujomlu'.
rutlhmey lujomlu'.
mIrmey lujomlu'.
qoq chebmey wIjuv.
DeS HutlhtaH.
DeS nguSDI'mey je Hutlh.
'ach 'ugh qoq rInbe'.
wa'maH Soch cheb ngI'.
cha'maH loS cheb 'oH 'aqroS'e'.
ratlh Soch cheb.
cha' cheb ngI' DeS net loy.
wa' cheb ngI' ghop.
wej cheb ngI' DeS nguSDI' 'ay'.
'ach 'ul qengwI' qelbe' loywI'.
tlhoy 'ugh qoqmaj 'e' vIQub.
ghaytan wItISnISmoH.
SeHwI' pat wItob.
Qum.
wIghunlaH.
Qapqu'.
ghoSmoHmeH pat wIwaH.
DIng nguSDI'.
vang HoS choHwI'.
vIH mIr.
DIng rutlhmey.
Qapqu'.
muD yuvwI' pat wIwaH.
vang yuvwI'.
juv noch.
yap 'uy'bogh muD 'e' noHDI' noch, vangbe' yuvwI'.
DachtaHmo' muD vI'wI' Qapchu'be' pat, 'ach Qap.
naQbe'mo' muD yuvwI' pat, nguSDI' HoS choHwI' wIlISlaHbe'.
yavDaq qoq wIlanchugh 'ej wIvIHmoHchugh, ghaytan QapHa' HoS choHwI'.
wa'leS rIn muD yuvwI' pat 'e' vItul.
ngugh vIHlaHjaj qoq.
-- ghunchu'wI'
