[88717] in tlhIngan-Hol
qoqqoqmey - jaj cha'maH cha'
daemon@ATHENA.MIT.EDU (ghunchu'wI' 'utlh)
Mon Jan 31 14:25:46 2011
Date: Mon, 31 Jan 2011 14:13:34 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj jIqeS neH.
reH Saturday maghom.
roD Hut vatlh rep mapaw 'ej wa'maH jav vatlh rep mamej.
DaHjaj pov Qu' pIm vIbuSnIS.
pemjep jImejnIS.
vaj qaStaHvIS po neH jISaH.
vumbe'taHbogh ghojwI' vItu' 'ej ghaHvaD Qu'Hom vInob.
leQ ghaj HoS Hal tebwI'.
nom HoS Hal teblaH pagh nom teblaH.
wIja'lu' <reH QIt tebnISlu'>.
leQ lISHa'lu'chugh, tujqu'choH HoS Hal.
chaq HoS Hal QapHa'moH ghu'.
vaj ghojwI'vaD leQ QanwI' vIDel.
QanwI' chenmoHmeH Hu'.
rInpa' jImejmo' Qap QanwI' 'e' vISovbe'.
vumtaH 'ul ghomHom.
Dorpa' jaj ghaytan nguSDI' SeHwI'mey waHnIS.
SeHwI' pat tobmeH SoSbor ghunnIS vay'.
ghunwI' Dun vIqeS.
nab vIDel 'ej yajba' ghaH.
SIbI' vumchoH.
rInpa' jImejmo' Qap nab 'e' vISovbe'.
paw megh beq.
raSmey cher chaH 'e' vIQaH.
Soj ngaSwI'mey lan chaH 'e' vIQaH.
rInpa' jImejmo' Qap megh 'e' vISovbe'.
pemjep jItlheD.
'ach pIm lutvetlh.
-- ghunchu'wI'
