[88544] in tlhIngan-Hol
Qom
daemon@ATHENA.MIT.EDU (ghunchu'wI' 'utlh)
Thu Dec 30 11:45:10 2010
Date: Thu, 30 Dec 2010 11:32:01 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj jIvem. jIHu'pa' QongDaqDaq jIleS. QInmey vIlaDlI'. De'wI'wIj
machqu'vaD QoQ vIQaylI'.
pay' vIH qo'. pe'vIl vIHbe'. QIt vIH; yu'egh rur. tlhej wab. mach wab,
'ach HoSba' wanI'.
nom jIHu' 'ej pa'vo' jIghoS. vutpa'Daq vemchoHbogh puqloDwI' vItu'.
vaSDaq vemchoHbogh be'nalwI' vItu' (wa'Hu' SoSDaj pa'Daq Qong).
maja'chuq 'ej Qombejpu' 'e' wIwuq. "Twitter" vIHotlh 'ej SIbI' wanI'
vI'ol. Sumqu' botlhQuv. chaq maHvo' wa'maH qelI'qam 'oH chuq'e'. loS
vI' cha' "Richter" noHlu'.
juHmajDaq pum pagh. pagh ghorlu'. rIQchoH pagh. QaD Hoch.
-- ghunchu'wI'
