[84524] in tlhIngan-Hol
be'nalwI' naH yotlh
daemon@ATHENA.MIT.EDU (Doq)
Mon Apr 28 16:40:15 2008
From: Doq <doq@embarqmail.com>
To: tlhingan-hol@kli.org
Date: Mon, 28 Apr 2008 16:38:17 -0400
Errors-to: tlhingan-hol-bounce@kli.org
Reply-to: tlhingan-hol@kli.org
HochHom SojwIj wIjtaH be'nalwI'. Du'Homna' wIghaj. vengDaq wIDab 'ej
mach yotlhmaj juHmaj je. Ha'DIbaH wIHutlh. qay'be'. roD naH neH DISop.
wa'Hu' tlhoy vumpu'mo' be'nalwI', 'oy' be'nalwI' Dub 'ej Doy'qu'.
yaHDaj wIghoStaHvIS, bepqu'. 'Itba'. ta'Daj ta'meH poH yap Hutlhmo',
Sot.
ghu'vam qay'Ha'moHmeH nab. qaStaHvIS wa' jaj ghIQ pIj nabchoH. ghIQmeH
jaj law' vI'ta'. DaH lo'meH meq tu'.
DaH QIt wIjlaH. moDnISbe'. QuchlaH.
QuchHa'chugh be'nalwI', Quch pagh. vaj Quch be'nalwI' 'e' vImaS.
Doq
