[84016] in tlhIngan-Hol
Duj chu' vISuqta'
daemon@ATHENA.MIT.EDU (Doq)
Sun Jan 20 00:40:22 2008
From: Doq <doq@embarqmail.com>
To: tlhingan-hol@kli.org
Date: Sun, 20 Jan 2008 00:26:18 -0500
Errors-to: tlhingan-hol-bounce@kli.org
Reply-to: tlhingan-hol@kli.org
Duj le' vISuqta'. puH ghoS. cha' rutlh ghaj. QuQDaj jIHmo' SojwIj 'oH
nInDaj.
chaq cha' rutlh ghajbogh Duj'e' Daghaj je 'ej chaq QuQDaj SoH, 'ach
le' DujwIj. DujwIj vI'orta'DI' 'ej vIlItHa'DI', qaStaHvIS vagh lup,
vImachqu'moHlaH.
wa'DIch mIw: pe'vIl quSHomDaj Dub vIqIpmeH, tochwIj vIlo'. loQ DeSqIv
rurchoH quSHom QutlhwI' pIrmuS. DaH 'o' rutlh QutlhwI' ngaQHa'choHlu'.
cha'DIch mIw: Derbogh rutlh ruQwI', quSHom je vIwoH. pum 'o' rutlh 'ej
'etDaq ghoS, ghIq Sal. 'et rutlh DopDaq ngaQchoH 'o' rutlh. DaH
ngaQHa'choH Derbogh rutlh ruQwI'. ngaQHa'DI', DeSqIv rurchoH Derbogh
rutlh ruQwI' pIrmuS.
wejDIch mIw: cha' DeSqIvHeyvam vISIH. nIHDaq naQchoH Derbogh ruQwI'.
Duj yorDaq ngaQchoH quSHom QutlhwI'. machqu'choH Duj. wej qamHomDaq
Qam. pumbe'. runqu'mo', raS bInDaq QamlaH.
machtaHvIS, ngeD lupmeH Qu'Hom. 'o'Daq ret'aqHey tu'lu'. 'uch
ret'aqHey 'ej pep. DaH vumlaH 'et rutlh.
rutlhvam poSDaq HuS HochHom Duj. rutlhvam nIHDaq tepqengwI'Hom tu'lu'.
machDI' Duj qoj tInDI' Duj, tepqengwI'Homvam Sujbe'lu'.
tInchoHmeH, vagh lup poQlu' neH.
wa'DIch mIw: quSHom ruQwI' je vIngaQHa' 'ej cha' DeSqIvHey vISIHHa'.
'o' rutlh QutlhwI' ngaQHa'moH quSHom DeSqIvHey.
cha'DIch mIw: quSHom ruQwI' je vIwoH. pum 'o' rutlh 'ej 'o'Daq ghoS,
ghIq Sal. Salchu'be', 'ach Sal. ngaQchoH ruQwI' DeSqIv.
wejDIch mIw: loQ 'etDaq quSHom vIghoSmoH. Salchu' 'o' rutlh. 'o'Daq
quSHom vIghoSmoHchu'. ngaQchoH Hoch. DaH Duj vI'orlaH.
For the Klingon impaired: Doq gets a Bike Friday Tikit.
<http://www.bikefriday.com/tikit>
Demos on U-Tube:
<http://video.google.com/videoplay?docid=-3252558018224124003>
<http://video.google.com/videoplay?docid=-1198514274881002295>
<http://video.google.com/videoplay?docid=-7593127050659555664>
Detailed explanation of folding it:
<http://video.google.com/videoplay?docid=9010326296353030321>
Detailed explanation of unfolding it:
<http://www.youtube.com/watch?v=_Cjdfdn1nuE>
Doq
