[2786] in tlhIngan-Hol
Re: HIlaD!
daemon@ATHENA.MIT.EDU (daemon@ATHENA.MIT.EDU)
Tue Jan 25 23:30:08 1994
Reply-To: "Klingon Language List" <tlhIngan-Hol@klingon.East.Sun.COM>
From: nsn@vis.mu.OZ.AU (Nick NICHOLAS)
To: "Klingon Language List" <tlhIngan-Hol@klingon.East.Sun.COM>
Date: Wed, 26 Jan 94 15:27:22 EDT
choja', HoD trI'Qal:
=HoD Qanqoroy quvvaD ~markoy quvvaD je jItlhIj; jIpaS.
wa' HoDvaD "-oy" mojaQ Dalo'. wanI'vammo' jIyay'. ghaH'a' qorDu'lIj ghot'e'?
SutlhIvqang'a'? jIyajbe'ba'.
=tlhIHmo' jIbelHa'qu' jIH.
va, bIbelHa' qar'a'? rut QonoSvamDaq jIbelHa' jIH je. 'a meqlIjvaD pIm meqwIj
'e' vIHar.
=SuquvHa''eghmoHlI'.
mu'qaDmeyqoqlIjmo' yIyep. ne' maHbe'. negh maHbe'bej. 'utlh DaqaDchugh,
vaj batlh ghajjaj nuHlIj. batlh ghajbe'chugh, vaj HeghtaH SuvwI', HeghtaHvIS
qoH.
=nIteb naDev quv lughaj Qanqor ~mark je.
qatlh 'e' Damaq? mumer meqtaHghachqoqlIj. naDev Dachpu' Qanqor, qaStaHvIS
poH nI'. vaj, naDev batlh 'anglaHbe' ghaH, DachtaHvIS. ghu'mey DabeptaHbogh
ta'pu' je ~mark 'e' vIHar. ghorgh tlhIngan Hol lo' ~mark, qaStaHvIS wej jar
nung? pab ja'taHbe''a' ~mark, DIvI' Hol lo'taHvIS? 'ej quvHa' Qanqor ~mark je
nopbogh Hoch'e' 'e' Damaq. naDev pabpo' chaH Qanqor'e' ~mark'e' je neH 'e'
maqlu'. vaj 'ajvaD pagh 'utlh latlhvaD je bImatlhlaw'. vaj, Qu'mevaD
Dutay'bogh 'utlhpu' DatIchlaw'pu'. 'ach quvlaH'a' SuvwI', SuvwI' Hoch latlh
tIchchugh, 'ej cha' 'ajvaD neH matlhchugh? quvlaHbe' 'e' vIHar. vaj yIyep.
='ach HolDaq Sujatlhbe'qu'taH jay'!
qar'a'? pa' 'oH'a' Hol? "Hol Dalo'taHvIS Sujatlhbe'". 'ej Hol 'oHbe''a' DIvI'
Hol? wejpuH! HatlhDaq qech Huj ghajlu'law'. "tlhIngan Hol Dalo'taHvIS
Sujatlhbe'" Dajatlhqangpu', 'ej 'e' DaHechtahvIS, bIQaghba'. mughtaHghachmey
law'qu' lablu', qaStaHvIS jarvam. wa' ghItlhvam neH DalaDta''a'? *rIchaD* Zen
Sutra je quv DalaD'a'? chaq *veDHor'ayn* bommey DaqIm'a'? *SeQpIr*wIj *HenrIy
vagh* joq Datu''a'? DalaDchugh, qatlh DachovmeH pagh mu' Dajatlhpu''a'?
DalaDbe'chugh, jupIm qatlh 'e' DangIl? chay' tlhIngan Hol lo'nISlu', ramchugh
ghItlhvetlh? yIQIj, pagh yItam!
=mu'mey law' Sujatlh, 'ach pagh'e' luHech mu'meyraj!
qar'a' jay'! wejpuH bIjatlh! "mu'mey law' *bo*jatlh" Dajatlh 'e' DaHechpu'.
'a potlhbe'.
=<<"punctuatIon" lulo''a' tlhInganpu'?>> Sutlhobchuq.
="punctuatIon" SaHqu' 'Iv jay'???
SaH 'Iv, 'e' Dayu'. SaH 'Iv 'e' vIQIj. SaH tlhIngan lurDech quvmoHwI'.
SaH ghot, chay' qar tlhIngan wIyajtaHghach 'e' SaHchugh ghot. SaH ghot,
tlhIngan ghItlh laD ghojwI', chay' 'e' ngeDmoHlaH 'e' SaHchugh ghot. SaH
ghot, "canon"'e' Qorghqangchugh.
=nuqDaq jaHpu' SuvwI'pu'na'?
naDev SaH 'ej Holmaj SaH.
=naDev SuvwI'pu'qoq vIlegh neH jay'!!
jatlh Hatlh pong ghajbogh ne''e' neH.
=<<verengan>> mung botu'meH Sujatlhchuq je.
=nuqDaq So''eghpu' loHra' jay'???
=<<verengan>> wIngachmeH naDev maSaHbe'taH jay'!!
bIQagh. "verengan" mu' mung luSaHba' ngachwI'pu'. 'ej ghu''e' ngachqangbogh
SuvwI'ma' lungachjaj. tIqlIj qej nuQchugh, ghItlhvetlh DalaD 'e' raDba' pagh.
=tlhIngan Hol'e' wIngachmeH naDev maSaH!
jIQoch. "Startrek" 'u' nov Hoch wIngachlaH 'e' vIHar. 'e' Harlaw' je HaDwI'
quv Schoen. vulqan Hol romuluS Hol je ngachlu', qaStaHvIS cha' jar nung.
qaStaHvIS, vIngpu' pagh. qatlh DaH bIvIngchoh? ghoqwI' SoH'a'? Agent
Provocateur SoH'a'?
=tlhIngan Hol lujatlhbe'ba'qu' verenganpu' jay'!!!
chay' 'e' DaSov? mechwI' chaH verengan'e', vaj Hol law' lo'laHnIS chaH. not
tengchaH DaSuchlaw'.
=lIQeHmoH'a' mu'meywIj?
nuq DaHar? DuHIvqa'law'taH veqlargh!
=<<HIja'>> bojangchugh, vaj maj!
jIlugh. Agent Provocateur SoHbej. Provocateur Darur, pagh pong Dajatlhmo'.
HIvqangchugh tlhIngan quv, 'Iv jaghDaj SIbI' 'e' maq. pongQo' tera'ngan neH,
qejQo'meH DataHghachqoq leHmo'.
=muQeHmoH veQ mu'meylIj je.
*'Ighreyp*[grape]mey'e' SIchlaHbe'chugh *voQ*[fox], "wIbba'" jatlh *voQ*.
veQ mu'qoqlIj voQlu'jaj jay'!
=DaplIjvaD poH vIghajbe'qu' jay'!
vIjatlhqa'. Hoch wIngachbogh DalaD 'e' raD pagh.
='ach jImaytaH.
wejpuH pung Dun Da'angneS.
=SunIDqa'laH 'e' vIchaw'taH.
vIyaj 'e' vInID. QonoSvam SuvwI' Hoch'e' DabuQlaw'. wa' 'utlh DulobQo'chugh
wa'vatlh 'utlh, vaj bIQay'. Doj! toDujHeylIj Ho'nISlu'.
=veQ jabbI'IDmeyraj tImev 'ej jIratlhmeH meq HInob.
DaH jIyaj! jabbI'IDwIj naDmeH chovnIS HoD *tlhI'Qal*, vIlI'pa'. wejpuH. DuSugh
'Iv, HoD quv? 'ej SoHvaD bIratlhmeH pagh meq DanoblaHchugh, 'ej
bIratlhtaHghachvaD yapbe'chugh tlhIngan wo' matlhtaHghachlIj, qatlh maHvo'
SoHvaD 'ut wa' meq?
=HIjang... 'ach Hol'a'Daq HIjang neH!
HolwIj vIquvmoH. DaneHchugh, vaj tlhIngan Hol vIlo'. 'ach chonaD not vIneH.
chonaDmeH vIghItlhbe' 'ej chonaDmeH tlhIngan Hol vIQulbe'.
yaj'a'?
=quv boghaj 'e' vIleghchugh jIratlh.
vumtaHghachmaj DaqImchugh, vaj qamuHQo'.
=Hol vIleghbe'chugh, vaj jIHvo' SuQoyqa'be', 'ej QanqorvaD ~markvaD je vIjatlh
= neH.
bImob 'e' DaparHa'law'. nge''orDaq HoSjaj ghoghlIj.
=jIHvaD, maHvaD mu'mey puS'e' DIjatlhbogh Qanqor ~mark jIH je lo'laH law' jIHva
D
= mu'mey law' Hoch'e' bolI'bogh lo'laH puS
taQ meqtaHghachlIj. taQqu'.
=qaDwIj lajrup 'Iw?
=jIloSlI'.
yIloSQo' 'ej yIvIngQo' 'ej HolmajvaD lo'laHbogh vumtaHghach yIvumchoH.
wejpuH! quvmaj HIvchoHlaw' ne'Du' jay'! DaH nuq pIHnIS 'utlh? Holmaj 'oghta'
wa' tera'ngan, ghaytan tugh 'e' maqlu'! SoDjaj jagh HuH!
--
/|||||||||||||||||||||||||||||||||||||||||||||||||||||||||||||||||||||||\
| "One must fIrst know that tradItIonally a Japanese bus has carrIed not |
| only a drIver but one or more young gIrls who stand In the aIsles and |
| sell tIckets, announce stops, and In general console the passengers for |
| the InadequacIes and dIscomforts of thIs transIent world." \
| --- Roy Andrew MIller, _The Japanese Language_, p. 251 |
||||||||||||||||||||||||||||||||||||||||||||||||||||||||||||||||||||||||||||
\||||nsn@krang.vIs.mu.oz.au||||||TransIent Passenger|||||||NIck NIcholas||||
==\||||||||||||||||||||||||||||||||||||||||||||||||||||||||||||||||||||||||/
()() ()() ()()
