[2769] in tlhIngan-Hol
HIlaD!
daemon@ATHENA.MIT.EDU (daemon@ATHENA.MIT.EDU)
Tue Jan 25 12:21:55 1994
Reply-To: "Klingon Language List" <tlhIngan-Hol@klingon.East.Sun.COM>
From: "HoD trI'Qal" <DOBELBOWER@opus.mco.edu>
To: "Klingon Language List" <tlhIngan-Hol@klingon.East.Sun.COM>
Date: Tue, 25 Jan 1994 12:12:05 -0400 (EDT)
X-Vms-To: IN"tlhIngan-Hol@klingon.east.sun.com"
HoD Qanqoroy quvvaD ~markoy quvvaD je jItlhIj; jIpaS.
tlhIHmo' jIbelHa'qu' jIH.
SuquvHa''eghmoHlI'.
nIteb naDev quv lughaj Qanqor ~mark je.
SujatlhtaH 'ej SujatlhtaH...
'ach HolDaq Sujatlhbe'qu'taH jay'!
mu'mey law' Sujatlh, 'ach pagh'e' luHech mu'meyraj!
<<"punctuation" lulo''a' tlhInganpu'?>> Sutlhobchuq.
"punctuation" SaHqu' 'Iv jay'???
nuqDaq jaHpu' SuvwI'pu'na'?
naDev SuvwI'pu'qoq vIlegh neH jay'!!
maSovbe', vaj "punctuation" DaneHchugh SoH, yIlo'qu'!
DaneHbe'chugh, yIlo'Qo'!
Qu'vatlh!
<<verengan>> mung botu'meH Sujatlhchuq je.
nuqDaq So''eghpu' loHra' jay'???
<<verengan>> wIngachmeH naDev maSaHbe'taH jay'!!
tlhIngan Hol'e' wIngachmeH naDev maSaH!
tlhIngan Hol lujatlhbe'ba'qu' verenganpu' jay'!!!
lIQeHmoH'a' mu'meywIj?
<<HIja'>> bojangchugh, vaj maj!
muQeHmoH veQ mu'meylIj je.
DaplIjvaD poH vIghajbe'qu' jay'!
'ach jImaytaH.
SunIDqa'laH 'e' vIchaw'taH.
veQ jabbI'IDmeyraj tImev 'ej jIratlhmeH meq HInob.
HIjang... 'ach Hol'a'Daq HIjang neH!
quv boghaj 'e' vIleghchugh jIratlh.
Hol vIleghbe'chugh, vaj jIHvo' SuQoyqa'be', 'ej QanqorvaD ~markvaD je vIjatlh
neH.
jIHvaD, maHvaD mu'mey puS'e' DIjatlhbogh Qanqor ~mark jIH je lo'laH law' jIHvaD
mu'mey law' Hoch'e' bolI'bogh lo'laH puS
qaDwIj lajrup 'Iw?
jIloSlI'.
--HoD trI'Qal
tlhwD lIy So'
