[99571] in tlhIngan-Hol
[Tlhingan-hol] Hegh be'nalwI' puqloD be'nal SoS
daemon@ATHENA.MIT.EDU (lojmitti7wi7nuv@gmail.com)
Wed Oct 1 09:44:23 2014
From: lojmitti7wi7nuv@gmail.com
Date: Wed, 1 Oct 2014 09:44:01 -0400
To: tlhIngan Hol mailing list <tlhIngan-Hol@stodi.digitalkingdom.org>
Errors-To: tlhingan-hol-bounces@kli.org
be'vam vIDelmeH, mu' ngaj vIHutlh. loSmaH Soch ben jIboghDI' jISaw. munaypa' be'nalwI', latlh SawHa'. SawHa'pa', wej puq boghmoHta'. wa' puqloD qan law' Hoch qan puS. puqbe' boghmoH puqloDvam, ghIq puqbe'vam SoS'e' Saw. Hegh be'vam SoS.
vaj Hegh be'nalwI' puqloD be'nal SoS.
jI'IQbe'. Heghpu'wI' vISovchu'be'. maqIH 'ej wa'logh maghom. (chaq cha'logh maghom?) boghDI' puqnI'be'maj, maqIH. be'nalwI' puqloD nay'DI' puqbe'Daj, maghom. not maghomqa'.
DaH vaghmaH Hut ben jIbogh. cha' ben bogh puqnI'be'.
wa' qam teqlu'pu'mo' Heghpa', tInqu'bogh HoSghajqu'bogh rutlh-quS lo' Heghbogh be'. pI'chu'. 'Iw HaQchor 'Iq ghaj. Soj 'Iq SoptaH. ghuHmoH QelDaj, 'ach buSHa'. <<qaybe' SojwIj>> jatlh be'. <<Soj vISopbogh vIchoHnISbe'!>> jatlh. qaptaH. temtaH. DaH Hegh. lughlaw' QelDaj.
cha'Hu' qorDu' QaHmeH be'nalwI', juHmajvo' tlheD. yaHwIjDaq jIvummeH nIteb jIvum'eghrupmoHmo' loQ vIqaDlu'taH. juHmaj vIleHnIS. mutlhejbe'taH jupna'wI' vISaw'ta'bogh.
tugh chegh. jIbepbe'. jIvIngbe'.
Heghpa' be'nalwI' puqloD be'nal SoS, ghIHchu'. juHDaj ghIHHa'nISmoH be'nalwI'. (juHDaj ghIHHa'moHlaw'Qo' be'nalwI' puqloD, be'nalDaj je.) Huch ghIHHa'qangmoHchu' be'nalDaj, 'ach juH ghIHHa'qangbe'.
vaj be'nalwI' vIloS. cheghDI' Dub yInwIj.
_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol
