[99056] in tlhIngan-Hol
[Tlhingan-hol] Dochmey chu'
daemon@ATHENA.MIT.EDU (Alan Anderson)
Wed Jun 25 11:57:15 2014
From: Alan Anderson <qunchuy@alcaco.net>
Date: Wed, 25 Jun 2014 11:56:44 -0400
To: Klingon language email discussion forum <tlhingan-hol@kli.org>
Errors-To: tlhingan-hol-bounces@kli.org
yInwIjDaq chu' Doch law'. tlhIHvaD cha' vIDel.
wa': Qu'na' ghaj puqloDwI'!
Soch waQ malja'vaD vumchoH.
Hop vummeH Daq.
ngugh ghojwI' ghaHtaHmo' ghIgh buSlaHbe'.
motlh DuSaQ buSnIS.
Hoch Hogh malja'vaD cha' jaj neH noblaH.
juHmajvo' malja'Daq HutmaH tup leng SIQnIS.
lengDaj machmoHmeH, be'nI'wI' juHDaq Qong.
wa' waQ HaD rIntaH.
DaH Qu' buSlaH.
Hoch jaj vumlaH.
DaH ghaHvaD juH nejnISchoH.
cha': Duj chu' vIje'ta'!
ngo'qu' puqloDwI' Duj.
Sab. leng tIqvaD QIv.
ghaHvqaD DujwIj vInobqang.
'ach jIruchmeH Duj chu' vIpoQ.
vaj jIQul. ghIq jIwIv.
be'nalwI' Prius vIparHa'mo' latlh vIje'.
chu' 'ej Doq 'ej boch.
beb Qorwagh ghaj.
bebDaq 'ay' le' jomlu' je.
jul 'otlh jonlaH 'ej 'ul lInglaH.
HoSqu'be'mo' 'ulvetlh Duj vIHmoHlaHbe'.
Duj qoD muD vIHmoH neH, vIHbe'taHvIS Duj.
'ach tujqu'choH qoD 'e' bot vIHtaHbogh muD.
-- ghunchu'wI'
_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol
