[98449] in tlhIngan-Hol
Re: [Tlhingan-hol] tlhIngan Hol QIn
daemon@ATHENA.MIT.EDU (Lieven)
Thu Apr 17 09:10:55 2014
Date: Thu, 17 Apr 2014 15:10:37 +0200
From: Lieven <levinius@gmx.de>
To: "tlhingan-hol@stodi.digitalkingdom.org"
<tlhingan-hol@stodi.digitalkingdom.org>
In-Reply-To: <6306ABBE-4BDD-4911-AD41-4E6AF5102307@gmail.com>
Errors-To: tlhingan-hol-bounces@kli.org
Am 17.04.2014 14:48, schrieb lojmitti7wi7nuv@gmail.com:
> chaq QIntetlh paq wIchoHnIS:
> 'ach bIghoH DaneHchugh, tlhIngan Hol Dalo'nIS.
chaq jatlhwI' vaD latlh QIntetlh 'angnISlu': pejaw 'oH pongDaj, pa'
SughoHlaH 'ej SujawlaH. potlhbe' Doch Daqelbogh.
> poH poQmo' Qu'vam, pIj ghoHHa'lu', vaj ghaytan nup maghoHmeH wanI'mey.
Qatlhbej ghoHmeH Qu' tlhIngan Hol lo'lu'taHvIS, 'ach Holmaj lo'lu'DI',
vaj chaq 'oH wIbuSqa', 'ej ghewmey wIbuS 'e' wImev. Qu'maj lIjba'
ghItlhwI' law': tetlhvamDaq reH Hol 'ay'mey, pabmey, chutmey, mungDaj,
qIDmey luqellu' - 'ach Holmaj lo'qu' jatlhwI' puS. Do'Ha'. :-(
naDev nuSuchDI' jatlhwI' chu', vaj nuq Sam? tlhIngan Hol Sambe'.
ghojmoHwI' may' neH tu'. vaj chaq Hol ghoj 'e' neHbe'choH taghwI'.
jIchup: latlh QIntetlh peHey, 'ej naDev tlhIngan Hol wIjatlh 'ej wIghojmoH.
http://mail.kli.org/mailman/listinfo/pejaw
PS: choyajHa'be' 'e' vItul. jIQeHbe'. naDev juppu' law' vIlegh.
--
Lieven L. Litaer
aka Quvar valer 'utlh
http://www.facebook.com/Klingonteacher
_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol
