[98442] in tlhIngan-Hol
Re: [Tlhingan-hol] tlhIngan Hol QIn
daemon@ATHENA.MIT.EDU (lojmitti7wi7nuv@gmail.com)
Wed Apr 16 15:02:19 2014
From: lojmitti7wi7nuv@gmail.com
In-Reply-To: <001201cf5986$120e71e0$362b55a0$@flyingstart.ca>
Date: Wed, 16 Apr 2014 15:01:54 -0400
To: Robyn Stewart <robyn@flyingstart.ca>
Cc: tlhingan-hol@stodi.digitalkingdom.org
Errors-To: tlhingan-hol-bounces@kli.org
wa' mu' wIHutlhbogh wIpoQ:
"fun".
<fun> wIHutlhtaHchugh, taghwI'pu' DISuqlaHbe'. tlhoy maghoHtaHchugh, <fun> wIHoH.
<fun> vISuqmeH jIjeS. tlhoy maghoHtaHmo' Heghqa' <fun> 'e' vIleghDI' jImejqa'.
Do'Ha', jI<be fun>chu'be'. jIpupHa'. rut pIch vIghajbej. pIch vIghajtaHvIS, jImobbe'.
ram pIch. potlh <fun>.
jI<be fun>choHmeH, vIQaHlu'chugh, QuchchoH Hoch. jInIDqu' 'e' vIlay'.
tugh jIQagh net pIHba'. 'ach jInIDqa'taH.
jI<be fun>taHghach potlh law' jIlughchu'taHghach potlh puS. Do'Ha', jI<be fun>laHchu'be'.
yI<be fun>.
lojmIt tI'wI' nuv, 'utlh
On Apr 16, 2014, at 11:10 AM, Robyn Stewart <robyn@flyingstart.ca> wrote:
> qechvetlhmo' ghewqoqvam DIqel vIneH.
>
> taghwI'pu'vaD tlhIngan Hol SoQHommey vIqonlI'. taghwI'pu'vaD 'ut pab qaDbogh
> pagh. nItbogh Hol nap jatlhlaHDI' 'ej yajlaHDI' taghwI', Sengmeymaj
> qIHrupchoH, 'ej ngachchoH pagh ngachQo'. pab nub vImuchchugh chaH vIqalmoH
> 'e' pum vay'.
>
> Sengvetlh wIpojchu' vIneHbe'. Seng pu'jIn vISovchu' vIneH. taghwI'pu'vaD
> ngengHommeyvetlh Qob vIjunlaH.
>
> - Qov
>
> -----Original Message-----
> From: SuStel [mailto:sustel@trimboli.name]
> Sent: April 16, 2014 7:48
> To: tlhingan-hol@stodi.digitalkingdom.org
> Subject: Re: [Tlhingan-hol] tlhIngan Hol QIn
>
> From: Lieven <levinius@gmx.de>
>> chaq poH Del tera' Holmey, 'ach 'oH Delbe' tlhIngan Hol wot. vaj SaH
>> 'Iv? jIjatlhDI' <wa'Hu' Doch vIleghpu'> - vaj vIyajlu', qar'a'? chaq
>> loQ jIpabHa' - 'ach jISaHbe'. jIjatlhtaHvIS Holvetlh wab, pab je
>> vItIv, 'ej jIjatlh. Dunbej tlhIngan Hol 'ej wIyajlu'taHvIS vaj Qap
>> Hol. pab ngoDHommey vIbuS vIneHbe'.ghewmey tIbuSQo'.
>
> paq mughlu'chugh potlh'a' pab? taghwI'vaD ghojmoHlu'chugh potlh'a' pab?
> pabtaH mughwI'pu' ghojmoHwI'pu' 'e' wuq 'Iv? Qochchugh ghojmoHwI'pu',
> taghwI'vaD nuq wIghojmoH?
>
> --
> SuStel
> http://www.trimboli.name/
>
> _______________________________________________
> Tlhingan-hol mailing list
> Tlhingan-hol@kli.org
> http://mail.kli.org/mailman/listinfo/tlhingan-hol
>
>
> _______________________________________________
> Tlhingan-hol mailing list
> Tlhingan-hol@kli.org
> http://mail.kli.org/mailman/listinfo/tlhingan-hol
_______________________________________________
Tlhingan-hol mailing list
Tlhingan-hol@kli.org
http://mail.kli.org/mailman/listinfo/tlhingan-hol
