[94396] in tlhIngan-Hol
[Tlhingan-hol] rIQqu' yaH qochwI'
daemon@ATHENA.MIT.EDU (Qov)
Wed Aug 15 01:57:19 2012
Date: Tue, 14 Aug 2012 23:51:31 -0600
To: "tlhingan-hol@kli.org" <tlhingan-hol@kli.org>
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
muD Duj maj ghaj yaH qochwI'. 'oHDaq cha' QuQmey, loS quSmey je
lutu'lu'. wa'Hu' juH lughoSmeH ghaH wej juppu' je muD Duj 'orlI' yaH
qochwI'. wa'maH vagh wa'maH vagh rep chach ghum Qoy latlh
'orwI'. muD Duj lunejchoH toDwI'pu'. wa'maH Soch rep baS Doq legh
nejwI'. yotlh SumDaq muD Dujchajvo' Supta' toDwI'pu' (pumqu'be'meH
janmey le' tuQtaH). muD Duj DI lughoStaHvIS toDwI'pu', jatlh,
"Hello, Hello, nejwI' toDwI' je maH. maQaHmeH maSaH." ghaytan reH jatlh.
lumerqu' be' ghogh. yaH qochwI' ghaH. rIQqu' 'ach vulbe' 'ej
jatlhlaH. vultaH cha' raQpo' 'ej Heghpu' wa'. 'orwI' qabDaq Hoch Hom
lughorlu'pu'. 'aD'a'mey SarDaq qungmey lu'tu'lu'. ropyaH'a'Daq
yIntaHwI'pu' luppu'. chorgh rep Haq SIQtaH 'orwI'. yIntaH. rIQbe'
QoghIjDaj net Har. yoH 'ej HoS 'ej SuvtaH.
ngoy'nIS 'orwI'. Hoch jaj jIpuvDI' raQpo'wI' yInmey vIQannIS 'e'
vISov. 'e' Sov je ghaH. qaStaHvIS cha' rep loStaH 'ej bechtaH 'ej
juppu'Daj bechtaH 'e' SIQ. poHvetlh qawbe' 'e' vItul.
- Qov
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
