[93977] in tlhIngan-Hol
[Tlhingan-hol] nuq bop bom: 'ay' cha'vatlh wejmaH wa':
daemon@ATHENA.MIT.EDU (Qov)
Sun Jul 8 22:39:20 2012
Date: Sun, 08 Jul 2012 07:22:19 -0600
To: tlhIngan-Hol <tlhingan-hol@kli.org>
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
vajar is playing mind games with vajar, while =
inflicting enough pain to cloud his thinking and to make him cry out.
CONTENT: pain and blood and bodily harm.
231
tlhe'moHlu'DI' qoy'moH
jatlh qImyal, =ABDa'oymoHlu'DI' 'bIjach. yItuHQo'. =
QaptaHvIS HughlIj taghDu'lIj je, bIjach. =
DacherghlaHbe'chugh pIch Daghajbe'. bIyoHqu'. Dotlh!=BB
=ABHota'ro'!=BB jatlh vajar. Hota'ro' pumbe' vajar 'a =
qen Hota'ro'vaD mu'meyvetlh jatlhpu'mo', =
mer. wa'Hu' Hota'ro'vaD jatlhtaHvIS vajar, =
ghorDaq chaHtaHmo', qonlaHbe'pu' Hung HotlhwI'. =
ghoqwI' ghaHlaH'a' Hota'ro''e'? veraghmey =
tlhe'be'qu'DI' Sa', vajar tIq 'oy' law' law' vajar yaDDu' 'oy' law' puS.[27=
6]
jatlh qImyal, =ABHIja', Dumaghta' je. Hoch =
Daja'ta'bogh vISov. matlh yaSlI' 'e' DaHar'a'? =
bIchunqu'. bIchun 'e' vISov. Qu'vetlh Dapeghmo' =
bImatlhqu' 'e' DaHar. bImuj 'ach Do'Ha' =
qaponlaHbe'. HeSwI'na' SoHbe' 'e' vISov. =
nIjatlhmoHpu'DI' janmeyvam ra'ghomquvvaD De' =
potlh vInob. chaHvaD ponmeH mIwmeywIj vI'angbe'. =
bISappu' 'e' luHar. Sub Damoj. qaStaHvIS wejmaH =
wej DIS De'vam nejlI' tlhIngan wo' 'ej nIteb choqta' vajar HoD.=BB
bechtaH vajar 'e' tIvqu'ba' qImyal. qaStaHvIS tup =
puS loStaH. nongmoHlaw' vajar bep. jatlh, =AByIqel, =
HoD. qatlh DeghwI' po' vIghong 'ej vIlon? =
ghoqwI'wI' ghaH je. loDnalDaj ghaH gharon'e'.=BB
DaH nepba' qImyal. ja' vajar, =ABqaH'eng.=BB
ja' qImyal, =ABchajDaj. DujlIjDaq Hota'ro' =
DatlhobDI', DungaghnISbe'meH, be'pu' maS 'e' maq. =
bI'up jatlhpu'mo' be'nalqoqlI', Dungagh Hota'ro' =
'e' vIra'be'.=BB joDqa' qImyal 'ej 'oy' ghurmoH. =
DaH 'oy'taH marwI'Du', volchaHDu' je 'ej 'oy'choH =
je qam naQ, jatlh qImyal, =ABDumer'a' bep? =
ghopDu'lIj qamDu'lIj je rar Hoch porghlIj 'oy' =
noch.=BB. loS qImyal ghIq 'oy' ghurqa'moH. tlhuHHa'qu'choH vajar.
vajar qa' SIjlI'mo' qImyal mu'mey, qImyal jan =
'oy' 'omlaHbe' vajar porgh. motlh rIQqu'taHvIS =
lullaHtaH vajar. 'oy' SIQlaHbej, 'ach pIm =
ghu'vam. qaStaHvIS may' pIj QIH tu'be' SuvwI' =
Sey. jotqu'mo' qImyal 'ej loStaHmo' 'oy' qIlbe' =
Seyqu'taHghach. maghpu' Hota'ro' 'e' HarlaHbe' =
vajar. tlhuHtaHvIS jachchoH. jachDI' 'oy'choHmo' HughDaj, loQ yaD 'oy' qIl.
=ABmaj=BB, jatlh qImyal. DaH ghoghlIj vIQoychoHbej. =
QaplI' mIw. DuDuQDI' taj bIregh. qajoy'DI' =
bIjatlh. Da'omlaHbe'. yIlaj. DaH De' vIpoQbogh HIja'.=BB
'oy''a'mo' De' poQbogh qImyal qawbe' vajar. ghelpu''a'?
=ABpagh vISov=BB, jatlh vajar. =ABHIHarneS.=BB ghoghDaj =
QoyDI' puq ghogh rur. Sa' maw' yonmoHmeH nuq =
ja'laH? ravDaq reghtaH yaDDu'Daj lutaplu'bogh.
bej neH qImyal. Hu' 'ej volchaHDu'Daj leSmoHmeH =
DopmeyDaq DeSDu'Daj SIch. jatlh, =ABqIv DeSqIv ghap =
Qaw'meH rurbogh janmey vIghaj. 'oy'qu'moH je, =
'ach Do'Ha' SuvwI' luQotlhchu'.=BB vajar chol =
qImyal 'ej vajar 'uSDu' joj qotlhmeH DaSpu' lo'. =
jatlh, =ABnaDev jan vIjomlaH. 'oy'qu'ba' 'ej =
che'ronvaD SuvwI' laH Qaw'chu'be'. 'ach rInDI' may' ... qay'laH.=BB Hagh qI=
myal.
---
SKI: qImyal continues to inflict physical and =
emotional pain on vajar while insisting he provide information.
----
[276] There was a point at which I realized, "I =
made my main antagonist an expert torturer. She =
is convinced that my main protagonist has =
information she needs. Now I can't get out of =
this novel without a torture scene. I hate =
torture! I don't want to write torture!" But I =
did it anyway. I don't know about you, and I know =
vajar isn't, but I'm having almost as much fun as qImyal is here! =
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
