[93930] in tlhIngan-Hol
[Tlhingan-hol] nuq bop bom: 'ay' cha'vatlh cha'maH vagh: jorbe'
daemon@ATHENA.MIT.EDU (Qov)
Sat Jun 30 10:48:15 2012
Date: Sat, 30 Jun 2012 08:46:41 -0600
To: tlhingan-hol@kli.org
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
vajar and the rebels are engaged in battle in a scrapyard onboard *Warfare*.
CONTENT: Violent death by disruptor.
225
jorbe' nachDu'
ghutar HIvlI'bogh loDDaq Qeq vajar 'ej jagh nach =
'o' Qaw'. pum HIvwI' 'ach jorbe' nachDaj. DoS veb =
wIvlI' vajar. QaS ra'taHbogh be''e' ngu'. ghagh =
be' 'ej poSqu'choH mInDu'Daj, roDaj 'elchu'DI' =
vajar nISwI' tIH.[272] poSqu'taHvIS nujDaj Hegh =
be'. ra'wI'chaj chu' ngu'taHvIS jagh loQ mIS =
chaH, 'ach SuvtaH. veQ qIptaH tIHmeychaj. =
lotlhbogh 'op SuvwI'pu' qIp je. HubwI' mI' chov =
vajar. DaH chaH law' law' lotlhwI' law' rap 'e' =
noH 'ach nuplI' jagh. ghIHchoH rav. vajar SumDaq =
SuvtaH Qoreq Sogh[324]. loQ tlhIblaw' 'ach chaq jonwI' tlhIbHa' ghaH.
che'ron pov 'oHbe' choQvam'e'. choQ =
luDoQlaHchu'be' lotlhwI'pu', chobmey SeHbe'mo'. =
Dop chobmey juSchugh, chobvo' lotlhwI' 'o' HIvlaH =
jagh. Dop chobmey juSbe'chugh vaj von'egh =
lotlhwI'pu'. ngugh vajar qech tob wanI'. chobvo' =
yov negh chu'. yoD Sut tuQtaH 'ej vaQqu'. baQa'. =
HoSchaj jeymeH to' lupoQbej lotlhwI'pu'. =
yoD'eghmeH nechtaHvIS vajar, mu' Qoy: =
=ABtaDHa'wI'pu'!=BB jatlh vay'. va. QaS taD =
taDHa'moHlI'chugh qImyal, vaj chaH ngejbe'bejpu' =
ghutar quv rop'a'qoq 'ej Qu'mey quvHa' qawbe'mo' qImyal lutoy'qangchu'.[170]
Suvbe'choHpu' Qoreq, 'ach rIQbe'law'. ghopDajDaq =
Hoqra'Hey tu'lu'. ghaHvaD jatlh vajar, baS jej, =
nISwI' tIHmey je juntaHvIS, =ABQoreq, chaH 'emvo' =
DImermeH, jaS chobvetlh wInaw'laH'a'?=BB
jatlh Qoreq, =ABHIja'! HItlha'.=BB QIt =
che'ronqoqchajDaq nech vajar, Qoreq je. HoDchaj =
lutlha'choH Hota'ro' ghutar je. jeS luneH =
latlhpu', 'ach =ABmIwvamvaD tlhoy law' vagh,=BB jatlh =
Qoreq. rav lo'laH lojmIt ngaQHa'moHtaHvIS Qoreq, =
luHub lotlhwI'pu'. =ABHInung,=BB jatlh Qoreq. lojmIt =
vegh vajar ghIq loSlI'. choQ jojDaq Hurghchu' 'ej =
QamlaHbe' vajar. joDqu'nIS. 'el Qoreq 'ej =
DevchoH. lurghmey noHlaHbe' vajar 'ach jeQ Qoreq. =
vajar tlha' Hota'ro': tamqu' Hota'ro'. Hota'ro' =
tlha' ghutar: mu'qaDmey bach ghutar 'e' QoylaH =
vajar, ghutar nach qIplaw'taHDI' rav'eq jeqwI'mey.[267]
---
SKI: vajar plays sniper for a bit, then asks =
Qoreq for a way to ambush the fresh forces.
---
[272] On an editing reread I almost rearranged =
this sentence so that the effect of vajar's shot =
follows instead of precedes the fact that he took =
it. But I like it the way it is. I think it =
mirrors the confusion of battle that this woman =
is dying before the reader is sure what hit her.
[324] Qoreq is the metal specialist whom you met =
in engineering when qaH'eng snuck vajar in, back =
when their main concern was getting *Dugh* repaired.
[267] Whenever I write a sentence of the form, "Y =
verbed X then Z verbed Y," it seems to make so =
much more sense in Klingon than English, because =
in Klingon "X [wot] Y ghIq Y [wot] Z" you can see =
the chain properly, here the verb is tlha' and =
you can see X=3Dvajar, Y=3DHota'ro', Z=3Dghutar all =
following one behind the other. In the English =
they are all mixed up which just seems bizarre. How do we understand it!
[170] Frozen marines: it's a John M. Ford thing. =
Storable, thaw-and-deploy troops. Not much in the =
way of memories or knowledge of current events, though.
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
