[93528] in tlhIngan-Hol
Re: [Tlhingan-hol] muD Duj SIrgh'a'
daemon@ATHENA.MIT.EDU (ghunchu'wI' 'utlh)
Tue Jun 5 16:19:02 2012
In-Reply-To: <C32967CF-A55B-468A-BFC9-9073B4CC22E7@gmail.com>
From: "ghunchu'wI' 'utlh" <qunchuy@alcaco.net>
Date: Tue, 5 Jun 2012 16:18:26 -0400
To: Klingon language email discussion forum <tlhingan-hol@kli.org>
Errors-To: tlhingan-hol-bounces@stodi.digitalkingdom.org
On Tue, Jun 5, 2012 at 3:01 PM, lojmIt tI'wI'nuv
<lojmitti7wi7nuv@gmail.com> wrote:
>
> pItlh
> lojmIt tI'wI'nuv
QInlIj lutaghmoH <pItlh> ponglIj je. vay' DachoHnISlaw'.
> rur pat 'ach jaS vum. _puSDaq_ lengtaHvIS,
qar'a' *puHDaq*?
> bIchungDI', ghur DolIj. muDDaq
> lengtaHvIS, bIchungDI' ghur DolIj 'IvlIj je. DolIj ghurmoHtaHvIS QuQ, 'IvlIj
> ghurmoH telmeylIj, pagh bIngDaq loQ tornISlu'.
pagh "flaps" lISnISlu'.
> loSmaH jav leS *'aSqaS, wISqanSen* wIghoS jupwI' jIH je.
wa' jaj 'orwI' qep'a'vetlh vItIv vIneH. ghaytan jIpuvbe'. ngugh buy'chu' chal.
> pa' ghom 'orwI'pu'
> law'. ngongmeH muDDuj chemoHwI'pu' chaH.
>
> pa' vay'vaD wa' le'bogh muDDuj mach noblu'. SochmaH cha' ben muDDujvam
> chenmoHlu'.
>
> Dujvam vIneH.
ngo'qu'. lutlh. notlh. chaq Qob. 'ach 'IH'a'?
> Dujvam chovnatlh Delbogh paqmey vIlaDta'. J-wej *qab* 'oH. QIt puv. nIn yap
> Hutlhmo' Hop ghoSlaHbe'.
pong DanobmeH DachoHbe'chugh ghaytan qaq. "Cobb" Dapong qar'a'?
> wa' 'orwI' wa' raQpo' qenglaH Dujvam. tlhop quSDaq ba' wa'. 'emDaq ba'nIS
> latlh. tlhopDaq 'ughmo' QuQ nIn je, nIteb puvchugh 'orwI', 'emDaq ba'nIS.
Duj tlhopDaq ba'DI' vay', DujDaq ba'taHbe'. <'et> <'o'> je DaDel qar'a'?
> yav Hotmo' tlhuQ, _javDaq_ lengtaHvIS Dujvam, tlhopDaq leghlaHbe' 'orwI', vaj
*yavDaq* DaghItlhHa'law'. "German" DaHaDtaH'a'?
> [...]
> jIQapchugh, Light Sport Aircraft chaw' le' vIHevmeH vIghojlu'moH 'ej
> jIDIlnISbe'.
ghojmoHwI' Davoqbogh DaSov'a'?
> vaj Dujvam vISuqmeH, jInaj.
>
> Dalmo' yInwIj, jInaj.
bInajvIpbe' bIHeghta'.
> nongnISlu' net Sov.
>
> cha'Hu' latlh loD vIqIH. tlhoS vIqIH. pongDaj vISovbe'. puHDujwIjvo' tep
> vIteqtaHvIS, Sum loDvam be'nallI' je.
be'nalwI' Daquchpu''a'?
> chechqu'. be'nallI' tIchchu'. be'nallI'Daq tuy'. pummeH nepba'. paw yaSmey.
toH, be'nallI''e' tIch. mojaq yIlughmoH, maqoch.
> Dalbe' yInDaj. Qatlh.
mu'qaD <DajtaHvIS bov bIyInjaj> DaSov qar'a'?
> yInDaj vIqelDI', DaltaH yInwIj 'e' vImaS. DajmeH, jInaj neH 'e' vImaS.
> nonglaH najtaHghachwIj. naptaHlaH yInwIj.
QatlhlaH yIn Daj, 'e' vI'ollaH. 'ach Dalqu' vIneHbe'bej.
> 'ach Dujvam vISuqchugh, DajchoH yInwIj. ghaytanHa' vISuq, vaj jIQaD.
'orwI' vImojta', rut vIneH. nom jIlenglaH vIneH. 'ach puH Duj lengmey vItIv.
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
