[93505] in tlhIngan-Hol
Re: [Tlhingan-hol] muD Duj SIrgh'a'
daemon@ATHENA.MIT.EDU (ghunchu'wI' 'utlh)
Mon Jun 4 21:19:30 2012
In-Reply-To: <6.2.5.6.2.20120604160333.0537e2a8@flyingstart.ca>
From: "ghunchu'wI' 'utlh" <qunchuy@alcaco.net>
Date: Mon, 4 Jun 2012 21:18:55 -0400
To: Klingon language email discussion forum <tlhingan-hol@kli.org>
Errors-To: tlhingan-hol-bounces@stodi.digitalkingdom.org
On Mon, Jun 4, 2012 at 6:25 PM, Robyn Stewart <robyn@flyingstart.ca> wrote:
>
> nIn SeHbe' chang'eng wa'DIch (qIjwI'mey). motlh muD neH luSeH.
"throttle" SIrgh'a' vIDelmeH nIn vIqelDI' jIQIpqu' 'e' vItlhoj.
muD'e' vuS "throttle" 'e' vISovbej. (<voQ> 'oSlaw' pong, 'ach pIm QuQ
"choke".)
>> vItna'
>> vISovnISchugh Duj QonoS vInuDlaH 'e' chup SoSwI'. Duj rI'Se' per'e'
>> vIqaw.
>
> Duj rI'Se' per'a' QonoS? Daj.
choyajHa' ('ej jIQIjchu'be'). DaH Duj Daq vISovbe' 'ach Duj per
vISovmo' vISamlaH.
<rI'Se' per> vIpongDI' chaq jImISmoH. Duj'e' perbe' 'e' vIQub. labwI'
per qar'a'? jIQubtaHvIS 'ej loQ jIHaDtaHvIS, "radio call sign" 'oS.
>> >> jajvetlh lujmo' SIrgh'a' maDo'bej. ngugh loS Hu' "Chichen Itza"-Daq
>> > vISuchta'!
>> chaq nagh letlh wab DaQoypu'.
>
> nagh letlh gho'DI' SuchwI'pu' wab lIng'a'? =A0wab le' vIqawbe'.
nagh letlh jen tlhopDaq yIQam. yISumQo'. pe'vIl tochDu'lIj tIpaw'moH.
wa' wab ngaj yIlIng. letlh mup wab 'ej ngIq letlh chongwI'vo' chegh.
Dajqu' cheghbogh wabmey tay'.
> ...muD Duj vergh qachDaq maHtaH 'ej
> Huch wISuq wIneH. yabwIjDaq lIS'eghchoH mu'mey nov 'e' vIra'. SIbI' ?sabe
> usted donde esta' ...? vISam 'ach yabwIjDaq beylI' jan 'oSbogh mu'
> vISamlaHbe'. pay' meq vItlhoj. DuSaQDaq jIHtaHvIS chu'mo' Huch nobbogh
> janmey'e', DuSaQ paqDaq qonbe'lu'.
vIghojchoHtaHvIS jIH, chaq wej janmeyvam pongpu' 'eSpanya' Hol.
> not mu'vetlh vIghojpu'mo' pIch ghajbe'
> yabwIj.
ja' Google <Huch nobwI' qoq> 'oH -- "cajero autom=E1tico" -- 'ach
ghaytan yap "ATM". :-)
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
