[93335] in tlhIngan-Hol
[Tlhingan-hol] mapuSchoHlI'
daemon@ATHENA.MIT.EDU (ghunchu'wI' 'utlh)
Tue May 22 17:16:46 2012
From: "ghunchu'wI' 'utlh" <qunchuy@alcaco.net>
Date: Tue, 22 May 2012 15:29:48 -0400
To: Klingon language email discussion forum <tlhingan-hol@kli.org>
Errors-To: tlhingan-hol-bounces@stodi.digitalkingdom.org
cha' ben, wa'maH cha' ghot ngaS yaHghom vItoy'bogh. mavumqu' 'ej ghaqchu' Hoch.
wa' ben, mej cha'. nI'pu' wa' ghot toy'meH poH 'ej mejrupchu'. latlh
mejmoH ngoch: ru'mo' Qu'Daj, ratlhlaHbe'. ru'wI' Qu' vIta'choH. wa'maH
ghot maH.
jav waQ, mej wej. pInwI' ghaH wa''e'. yaH jIlwI' ghaH wa''e'. ngaq Qu'
ta' wa''e'. mej luneHbe'. luneHbe' je ratlhwI'pu'. 'ach nurtaH Huch
Suqbogh malja' 'ej machnISchoH ghommaj 'e' luraD chelwI'pu'. pIn gheS
ratlhbogh wa'. Soch ghot maH.
wa'Hu' De' qab wIghoj. mejnIS latlhpu'. wej Hoch wISov 'ach mejwI'pu'
ghuHmoHlu'. pInwI' chu' ghaH wa''e'. vumwI' potlh ghaH wa''e'. vumwI'
tam ghaH wa''e'. mej luneHbe'. 'ach nurtaHqu' Huch Suqbogh malja'
'ej... potlhwI' Qu' vIta'choH. loS ghot maH.
jImej jIH net raDbe'. potlhqu'law' Qu'wIj 'ej jIH 'um law' latlh 'um
puS. DaH Hoch Qu' wIta'meH mavumqu'nIS. ghur Qu'maj. DaH ghIQDI' vay'
ghurqa'bej latlhpu' Qu'. jIDo'qu' 'e' vIqawnIS 'ach latlhpu' ghu'mo'
jIQuchlaHbe'.
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
