[92578] in tlhIngan-Hol
Re: [Tlhingan-hol] ja'chuq / what's up?
daemon@ATHENA.MIT.EDU (De'vID jonpIn)
Fri Mar 16 05:18:33 2012
In-Reply-To: <BAY166-W616D1E03F057AD753A510BAA590@phx.gbl>
Date: Fri, 16 Mar 2012 10:18:18 +0100
From: "De'vID jonpIn" <de.vid.jonpin@gmail.com>
To: tlhingan-hol@kli.org
Errors-To: tlhingan-hol-bounces@stodi.digitalkingdom.org
De'vID:
>> toH, qaStaH nuq jay'?
QeS 'utlh:
> (SaghuHmoHchu': chaq 'op nuv jotHa'moH ghItlhvam 'ay'.)
qatlh vay' jotHa'moH ghItlhlIj? Dajqu' HeS QeD. HaSta jIH much
bejlu'chugh, <CSI> <NCIS> <Criminal Minds> <Law & Order> joq lutmey
lutu'lu'. chaq jotHa'moH lutmeyvetlh. jotHa'moHbe' ghitlhlIj.
QeS 'utlh:
> tagh ghojmoHmeH DIS bID chu' 'ej DISvam jIghojqa'moH. qaStaHvIS bIDvam,
> 'ampaSwIj ghojwI'vaD HeS QeD vIghojmoH.
({HeS QeD} vIlaDDI' <criminology> vIyaj. lugh'a'?)
QeS 'utlh:
> nugh ngo' tej jIHtaH 'ach HeS
> QeDvaD lI'qu' je mIwmey'e' Qu'mey'e' je DIlo'bogh. ghojmeH Qu'vamvaD
> "The Archaeology of Death and Crime Scenes" ponglu'. HomDu' ghovmeH 'ej
> ngu'meH mIwmey, molmey HaDmeH mIwmey, HeS De' nuDmeH mIwmey je vIghojmoH.
maj. SuvwI'vaD lI'qu'bej. <CSI> Dabej'a'?
QeS 'utlh:
> jIHvaD Dajbej Qu'. (ben law', QeS lagh jIpong'eghtaHvIS, Morska HolHom
> vIlo'DI' "Crime Ensign" mupongpu' SuStel, MorskaDaq <QeS> qa'meH <HeS>
> jatlhlu'mo'... lughqu'choHlaw'pu'.)
>
> latlh Qu' vIghaj: 'ampaS ghItlh'a'wIj vIrInmoHlI'qu'. DISvam jar javDIch
> jar SochDIch ghap vIrInmoHpu' 'e' vItulqu', jar chorghDIch turIqya'Daq
> jIvum net chaw'mo'.
DarInmoHbe'chugh bIleng 'e' bot 'Iv?
QeS 'utlh:
> qaStaHvIS 'op jar Do'Ha' tlhIngan Hol vIbuSqu'laHbe'. tugh ghu' choHlu'
> 'e' vItul. jIHvaD Suverya' Hol vIghojmoH 'e' vIwuq je. qen Suverya' much
> <be'pu' muSbogh loDpu'> vIbejpu'. vItIvbejpu'. law' Suverya' luDabbogh
> jupwI' ngugh 'e' muqawmoH je, vaj Holchaj vIghoj. jIqaD'eghqa'moHba'. :)
Switzerland vIDabtaH. Hopqu'be' Suverya'. Suverya'Daq Hopbe' je
DoyIchlan'e' luDabbogh tlhInganpu' law'. chaq DoyIchlanDaq qepHomvaD
bIjeSlaH 'ej pa' maqIH.
--
De'vID
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
