[92337] in tlhIngan-Hol
Re: [Tlhingan-hol] ramwI'mey
daemon@ATHENA.MIT.EDU (Qov)
Tue Feb 28 11:44:13 2012
Date: Tue, 28 Feb 2012 08:43:34 -0800
To: tlhIngan-Hol@kli.org
From: Qov <robyn@flyingstart.ca>
In-Reply-To: <CA+7zAmNOXzAAJTYmn1wt75621Q84xXryUzhHd5cfgrr0QHwPBw@mail.g
mail.com>
Errors-To: tlhingan-hol-bounces@stodi.digitalkingdom.org
ghoH 'e' parmo' lojmIt tI'wI' nuv chaq DutlhochQo' 'ach jangniSlu'.
At 08:01 28/02/2012, De'vID jonpIn wrote:
>lojmIt tI'wI' nuv:
> > DaHjaj jIrop. loQ jIbechlI', 'ach HeghlI' jupwI', vaj jIbepQo'.
> wejleS jIpIvqa'. cha' nem Heghpu' jupwI'.
>
>loQ qayajchu'be'. cha' juppu'lI' DaDel, qar'a'? HeghlI' wa' 'ej
>Heghpu' latlh 'e' Daja'law'.
De'vID, wej Heghpu' jupDaj. wa' nem Heghpu'. pabchu' lojmIt tI'wI'
nuv. pab Daghovbe'chugh {ghorgh tujchoHpu' bIQ} yIqel.
>{Qu'wIj yaHwIj je teqlu'} 'e' vIyajbe'. nuq teqlu'? Qu'lIj
>ghanglu' 'ej yaHlIj DamejnIS 'e' DaHech'a'?
jIHvaD loQ Huj je, 'ach Qu'Daj vISovbe'.
>lojmIt tI'wI' nuv:
> > yaHwIj vIghoStaHvIS, yoS Qob vIvegh. pa' nuH vISo'bogh vIghaj
> vIneH, 'ach yaHDaq jIpawDI', nuqDaq nuH vIlan? qaqbe' ghu'.
>
>Duj Daghajbe''a'? yaHlIjDaq Hung yaH tu'lu'be''a'?
Daj. SeplIjDaq vumwI'pu'vaD nuHmey pol'a' Hung yaSpu'?
>lojmIt tI'wI' nuv:
> > vIlagh. vIlaghHa'. vIlaghqa'. vIlaghHa'qa'. jImon.
>
>DalaghHa''a'? pagh Damutlh'a'?
>
>{laghHa'} lo'lu'chugh laghDI' Qagh 'e' vIQub. ghaytan DalaghHa'be'.
jIQochqu'. lagh 'ej laghHa'bej. mu'mey ngo' Qaw'be' mu'mey chu'.
>(mu' chu' 'oH {mutlh}'e'. qen wISuqpu'.)
laghbe'pu'chugh 'ej HIch chenmoHmeH 'ay'mey Sar lo'chugh chaq mutlh.
laghpu'DI' laghHa'bej.
taghwI' pabpo' 'utlh ghaH lojmIt tI'wI' nuv'e' taghwI' jIHtaHviS.
choHpu' pong neH.
- Qov
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
