[92301] in tlhIngan-Hol
[Tlhingan-hol] ramwI'mey
daemon@ATHENA.MIT.EDU (lojmIt tI'wI' nuv)
Sun Feb 26 09:26:07 2012
From: "lojmIt tI'wI' nuv" <lojmitti7wi7nuv@gmail.com>
Date: Sun, 26 Feb 2012 09:25:50 -0500
To: tlhingan-hol@kli.org
Errors-To: tlhingan-hol-bounces@stodi.digitalkingdom.org
naDev pIj jatlhtaHmo' tlhInganpu' jIbelqu'. Qu'mey law' vItoy'mo' laDmeH poH ghItlhmeH poH je vIHutlhpu'. vaj jItampu'. ragh laHwIj. vaj DaH jIqeq.
DaHjaj jIrop. loQ jIbechlI', 'ach HeghlI' jupwI', vaj jIbepQo'. wejleS jIpIvqa'. cha' nem Heghpu' jupwI'.
nuH chu' vISuqta'. So'meH pu' 'oH. <<Para Carry>> ponglu'.
not vISo'. chaw' vIghaj, 'ach loj poHDaj. nuH vISo' vIneHchugh, chaw' chu' vIpoQ.
'ach chaw' vISuqchugh 'ej yaHwIjDaq nuH vISo'chugh, Qu'wIj yaHwIj je teqlu'. yaHwIj vIparHa' vaj not nuH vISo'. ghaytanHa' chaw' chu' vISuq.
yaHwIj vIghoStaHvIS, yoS Qob vIvegh. pa' nuH vISo'bogh vIghaj vIneH, 'ach yaHDaq jIpawDI', nuqDaq nuH vIlan? qaqbe' ghu'.
'IHqu' nuHvam. boch. loQ mach, 'ach vI' loSmaH vagh nIch lo', vaj machqu'be'.
pup chu'wI'Daj. tIq He, 'ach Habchu' 'ej tISchu'.
jI'uchtaHvIS jIbel. pup jan 'oH. chenmoHlu'chu'pu'.
vIlagh. vIlaghHa'. vIlaghqa'. vIlaghHa'qa'. jImon.
puq jIHDI' vavwI' nuHmey vIHaj. Hut ben jIHDI' Hegh vavwI'. not nuHmey vIHajqa'meH, nuHmey vIghaj. vIyajchu'meH vIlagh 'ej vIlaghHa'. yajlu'chu'DI' Hajbe'lu'.
qublaw' pu'vam. law' neHwI'pu'. puS nuHvam. roD loSnISlu'. jIDo'.
chu'chu'be' nuHvam, 'ach jIHvaD chu'. ngevqa'lu'. roD nuHvam Hutlh Suyvam. 'ach jIDo'.
lojmIt tI'wI' nuv
lojmIttI7wI7nuv@gmail.com
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
