daemon@ATHENA.MIT.EDU (Qov)
Sat Feb 18 13:59:51 2012
Date: Sat, 18 Feb 2012 10:52:49 -0800
To: tlhingan-hol@kli.org
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
Essim had just told Mahoun that the data hidden in his arm pertained
to her father.
158
jatlhbe'choHDI' 'eSSIm mu'meyvetlh ja'pu' 'e' pay. vav lut SovmeH,
yu'choH Mahoun neHbe'qu'. 'ach yu'be' Mahoun. DaqDaq cha'ta'bogh Qel
ghop lan 'ej jatlh, "De'vammo' cholajta''a' maqIHDI'?"
jatlh 'eSSIm, "ghobe'. DaHjaj nuja'pa' Qel, Surarchuq SoH vavwI' je
'e' vISovbe'chu' 'e' vIlay'." laj Mahoun.
tlhuch'eghmeH nIteb mI'choH 'eSSIm. bejtaH Mahoun 'ach vIHqu'mo'
'eSSIm, cholbe'. SaHbe'bogh gholDaj buSmo' 'eSSIm, Mahoun bejbe'.
qeqtaHvIS vavoy rut qamDajDaq lIghta' 'eSSIm, 'uS 'uchtaHvIS. gho'.
jop. QamchoH. tlhe''egh. gho'qa'. vav jeylaH pagh, ngugh 'e' Har.
jeyta' vay' vaj DuHlaH Hoch. tlhe''egh 'eSSIm. Dach Mahoun pay' 'e'
tlhoj. mejpu'. jol Qoybe'pu' 'eSSIm. qechmeyDaj loyta' 'ej pe'pa'
'eSSIm Haw'law'ta'. DIngtaH 'eSSIm, nejtaHvIS, ghIq Mahoun legh.
'eSSIm qach mejlI' 'ej cheghlI'.
cholpu'DI' jatlh 'eSSIm, "qatlh bImej?" bong qu' 'eSSIm ghogh.
loQ DoH Mahoun. jatlh, "puch." leSqu' 'eSSIm 'ach qechmeyDajmo' loQ DIvtaH.
HubmeH mIw ghojtaH neH Mahoun. HIvwI' ghaHmo' HubwI' nIv'e'. tlhIngan
bep Daqmey cha' 'eSSIm. Daqvam qIpmeH ro' yIlo'. naDev qaq toch let.
naDev pe'vIl pach ghop yIlo'. DaqIpchu'chugh 'oy'mo' tlhoS vanglaHbe'
ghol. paQDI'norgh vuvqu' Mahoun. voq 'eSSIm 'e' 'oS 'e' yaj. "DaH
HIHIv," jatlh 'eSSIm. "Daqmeyvetlh tIqIpchu'. qabot 'ach vInoDbe'."
tlhIngan 'oy' DaqmeyDaq QeqlaHDI' Mahoun, mI'choH 'eSSIm 'ej
mIwmeyDaj qeqtaHvIS qIptaH Mahoun 'e' ra'. roD jun 'eSSIm pagh bot
'ej pe'vIl qIpbe'mo' Mahoun 'oy'qu'be' 'ach 'oy'DI' 'oy' tIv. 'oy'
qotlh. 'oy' pIHbe'bogh SIQmeH, mInDu' SoQmoH. qaStaHvIS Hogh wuQtaH
'eSSIm 'e' tIvbe' 'ach pay' DuQDI' 'oy' 'ej 'oy' SIQlaHchu'DI'
rachmoH. bong wa'logh Mahoun qIpDI' jach Mahoun. SIbI' mev 'eSSIm 'ej
mInDu' poSmoH. DoHpu' Mahoun 'ach SIbI' jatlh "jIrIQbe'. let
nachwIj." HIvqa'DI' Mahoun, 'eSSIm QamHa'moH 'oy'. SuvwI' ghaHchugh
Mahoun, ngugh pummoHlaHpu' 'ach ngaD'eghmoH 'e' loS Mahoun.
yelwIyyItngan yIn poH Sovbe' 'eSSIm 'ach wej qan maHun 'e' noH.
pujchu'be' 'ej Qorgh'eghta'. vangmeH mIw Sovchugh tlhIbHa'choHlaH.
----
SKI: Mahoun and Essim continue their physical training.
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
