[91254] in tlhIngan-Hol
[Tlhingan-hol] nuq bop bom: 'ay' wa'vatlh loS:
daemon@ATHENA.MIT.EDU (Qov)
Tue Dec 13 11:21:50 2011
Date: Tue, 13 Dec 2011 08:20:57 -0800
To: tlhingan-hol@kli.org <tlhingan-hol@kli.org>
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
With the help of his lawyer, Mahoun has just obtained an Andorian
slave from a Human-manned Federation vessel.
104
Farsajii lupawDI' meH lurI' 'ej lengchoH Duj. vutwI' rI' Mahoun.
'anDorya' Soj qem 'e' ra'. HoD ghop 'uchtaH Orson. jolpa' retlhDaq
loSlI' Inaq[70]. merba' 'anDorya'ngan. "bIlugh," jatlh Mahoun,
"toy'wI''a' lulIgh SIQ neH pagh."
toy'wI''a'vaD jatlhchoH Inaq. jatlh Orson, "yelwIyyItngan jIH. juH
vIghoS vIneH." mIS Inaq. meq loyta'bogh QIj Mahoun. 'anDorngan ghaH
'e' luSovpu'chugh Humanpu' weHwI'pu' qoppu'. 'ach yuQjIjQa' rewbe'pu'
chaHbe'mo' yelwIyyItnganpu''e', loghDaq Hatbe' yelwIyyItngan
toy'wI''a'. Humanpu' QIp tojmeH mu'meyvetlh lughojmoHta' toy'wI''a'
ngevwI'pu'.
qeppa'Daq lughoS. rallaH 'anDorngan net Sovmo' Mahoun QantaH HungpIn
tlhejtaHvIS Orson. OrsonvaD bIQ nob Mahoun. tlhutlhqu'. 'anDorya'
Hol jatlh Mahoun 'a po'be'qu'mo' tlhIj, ghIq toy'wI''a'vaD lut ja'.
"wejmaH wej ben mujonpu' novpu'. ngugh jIH Qup law' SoH Qup puS.
mughIjpu'. mubuQpu'. muQIHpu'. juppu'wI' HoHpu'. jIHegh 'e' vIHar.
muQaHpu' 'anDorya'nganpu' 'ej juHwIjDaq muqem." yev Mahoun.
'anDorya'ngan DameH nachDajDaj ghopDu'Daj lan Mahoun 'ej nItlhDu'Daj
SIH. <jI'IQ. qaSaH> 'oS jeqwI'Du'qoqvetlh. DujDaq reH Haghpu'
'anDorya'nganpu' jeqwI'Du'qoqDaj lo'DI' 'ach HolvaD potlh. jeqwI'Du'
bejbe'chugh 'IjwI' QIn bID Hevbe'. jathqa' Mahoun 'e' nID 'ach
tlhIngan Hol laHDaj rurbe'bej 'anDorya' Hol laHDaj. moblaw'ghach
HajtaHghach SottaHqu'ghach je DelmeH mu'mey Hutlhchu'. SaQchoH.
SIHqu' jeqwI'Du'qoqDaj. yIQchoH qevpobDu'Daj 'ej SaQqu'mo' tlhuHHa'.
SutlhtaHvIS Mahon, reH gholDaj vuDmey ghu' je qel. vay' yajlaHchugh
Dochmey neHbogh loylaH 'ej SutlhlaHchu'. DaHjaj jatlhqangchoHmeH
Orson SutlhlI' 'ej toy'wI''a' ghu' qeltaHvIS ghu'Daj tu'pu'.
----
SKI: Mahoun finds buried feelings as he tells a story in halting
Andorian to his new crewmember.
---
[70] beqpu' pongmey boqawnISbe' 'e' vIlay': QumpIn boQ ghaH. Soch ben
boghpu'DI' novpu' toy'wI''a' moj.
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
