[90131] in tlhIngan-Hol
[Tlhingan-hol] vavwI' lut - juH
daemon@ATHENA.MIT.EDU (ghunchu'wI' 'utlh)
Tue Oct 18 21:41:28 2011
From: "ghunchu'wI' 'utlh" <qunchuy@alcaco.net>
Date: Tue, 18 Oct 2011 21:40:48 -0400
To: tlhingan-hol@kli.org
Errors-To: tlhingan-hol-bounces@stodi.digitalkingdom.org
jIQuptaHvIS juH Dun Dab qorDu'wIj.
jIboghpa' qach wIDabbogh chenmoH vavwI'.
nab QaQ Sam 'ej choHmey chel.
vutpa' pu'jIn ghItlh ghaH SoSwI' je.
nIvbej vutpa'.
'op 'ay' chenmoHbe' ghaH'e' 'ach chenmeH 'ay' law' ghopDaj lo'.
tlhoy'mey laghHa'.
bIQ 'ochmey, 'ul SIrghmey je jom.
lojmItmey Qorwaghmey je lan.
tlhoy'mey nguvmoH.
chentaHvIS juH qach, pIj HaSta qon.
wa'logh, rInpa' beb, DejchoH reD.
pumpa', reD yuvmeH vavwI', lam HIjbogh mIQta''e' lo'.
reD chongchu'moHtaHvIS ghaH, beb QutlhwI' rInmoH beb beq.
wanI'vam qonlu'pu'bogh vIbejta'.
qach tlhopDaq bIQ ghoSmoHwI' jomlu'.
ghor bIngDaq vagh 'uj Saw' ghoSmoHwI'.
wa' jaj nIjqu' ghoSmoHwI' 'e' vIqaw.
DuSaQvo' jIcheghDI' yIQchu' yav.
tI'meH vavwI', ghoSmoHwI' Daq pup SamnIS.
tlhoy nejchugh, moHchoHbej juH tlhop yotlh.
ghoSmoHwI' jomtaHghach qonta'mo', mIw 'ong lo'.
HaSta tamey bej 'ej cha' lurgh ngu'.
DuQchuq qonwI' QeqmeH lurgh 'ej pa' ghoSmoHwI' nej.
lughchu' Daq.
Sachmo' qorDu', yapbe'choH juHvam.
latlh wISam 'ej juHmaj ngo' wIDabHa'.
batlh qawlu'taH.
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
