[90051] in tlhIngan-Hol
[Tlhingan-hol] vavwI' lut - raQ nIQ
daemon@ATHENA.MIT.EDU (ghunchu'wI' 'utlh)
Tue Oct 11 11:33:56 2011
From: "ghunchu'wI' 'utlh" <qunchuy@alcaco.net>
Date: Tue, 11 Oct 2011 11:33:14 -0400
To: tlhingan-hol@kli.org
Errors-To: tlhingan-hol-bounces@stodi.digitalkingdom.org
jIQuptaHvIS pIj ghIQchu' qorDu'wIj.
DIS poH tujmo' DuSaQ wIjaHnIS jIH be'nI'wI'pu' je.
qaStaHvIS cha' Hogh vavwI' yaH buSHa'.
HuDmey Hop DIghoS.
puH Duj tlha' lengbogh qachHom.
HuD ngemDaq juH ru' wIcher.
raQ mIchDaq 'ul tu'lu'be'.
Sum bIQtIqHom, 'ej Sum bIQtIq qoj.
reH vIHbogh bIQ Qoylu'.
bIr rammey.
ghun pemmey.
'IH Sormey.
Huv chalmey.
wov Hovmey.
Doj HuDmey.
leS vavwI' pIjHa' 'e' vIlegh.
reH vum.
reH jInmol ta'lI'law'.
'ach raQDaq pIm.
pa' leS vavwI'.
qo' tlhol tIvlaH.
roD vutbe' vavwI'.
'ach raQDaq pIm.
pa' pIj nIQ vut vavwI'.
motlh "pancakes" vut.
chab vutlu'chu'pa' rut bargh jImmoH 'ej barghvo' chab puvmoH.
yoychoH chab, puvtaHvIS.
barghDaq chab yoy Suqqa' vavwI'.
Doj tuH.
DaH pIj nIQ chabmey beQ vIvut jIH.
Do'Ha' bargh vIlo'be'.
puvbe' chabmey, "griddle" 'ugh vIjImmoHlaHbe'mo'.
'ach tlhe'meH poH vISovchu', mughojmoHta'mo' vavwI'.
DuDmeH mIw vISovchu', mughojmoHta'mo' vavwI'.
motlh pup nIQ chabmeywIj.
Ha', ghoSuch.
tlhIHvaD nIQ vIvut.
jIreHmeH barghDaq vIvut 'ej vIjImmoH 'e' vInID.
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
