[90048] in tlhIngan-Hol
[Tlhingan-hol] nuq bop bom: 'ay loSmaH Hut:
daemon@ATHENA.MIT.EDU (Robyn Stewart)
Mon Oct 10 11:33:39 2011
Date: Mon, 10 Oct 2011 09:30:56 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-To: tlhingan-hol-bounces@stodi.digitalkingdom.org
--===============7157376182447282685==
Content-Type: multipart/alternative;
boundary="=====================_908691409==.ALT"
--=====================_908691409==.ALT
Content-Type: text/plain; charset="us-ascii"; format=flowed
You know it's going to be an exciting chapter because Mahoun just
started off the morning meeting with advice from the ship's lawyer.
49
Qu' De' muchchoH Suy. Sup Sar je'rupbogh, Dochmey Sar ngevlaHbogh je
qel. HaStaDaq nagh beQmey, toghbogh mIlloghmey, mI'mey je cha'taH
Suy. potlhba' je'meH to' 'ej Qulchu'be'ta'chugh vay', pIj bep Mahoun.
'a DaHjaj DalchoH much. 'eSSIm porgh qawchoH HoD. moHbej tlhIngan
qab, 'ach SeymoH SomrawDu'Daj 'ej chabDu'Daj Doj law' HochHom
yelwIyyItngan be'pu' chabDu' Doj puS. jatlhtaH Suy. ram chabDu'Daj.
yuQvam tIr Daj Dellaw'taH. ghaqchoH QeDpIn. lam QaDqu' cherghlaHmo'
'ej Sarqu'mo' mut, mIDmeyvaD lI'qu' tIr. choH'eghlaH. yuQvam Daqvo'
mIDmeyvaD ngeD HIjmeH Qu'. ghaq jonpIn. ma'laH Duj 'ej qIt choqmeH
Hat. tIr law' je' neH SuypIn. SutlhmeH to' muchchoH Suy.
qagh chutpIn. jatlh "yuQvamDaq tIr ngevpa' nov qoj je'pa' nov,
chaw'nIS tlhIngan Duy."
jatlh Suy "yuQvam SeHbe' tlhIngan wo' net jatlh."
jatlh chutpIn, "bIlugh. mabmo' qum'egh Hoch mIchvam yuQmey 'ej nIS
latlhpu' net tuch. yuQvamvaD mab luwemrupbe'law' tlhIngan, 'a naDev
mechlaH Hoch. "
Suy Qup mawlaw' chut. jatlh "tIrvetlh le' lupegh luneHlaw' tlhIngan!"
jatlh Mahoun. "ghaytan pagh lupegh. ghaytan tIr qutlh luneH neH
tlhInganpu'. Huch law' wIDIlqangchugh, tlhInganvaD ngevqangbe'choH
Sungpu'. ghaytan chutvam wIpabchugh, tIr wIje' wIneH DuyvaD
majatlhDI', maHvaD tIr lungev tlhInganpu'. vaj chep chaH 'ej Huch
law' wIDIlnIS maH. wIqeltaH Suy nab wI'oghtaHvIS. yuQ charghtaHvIS
tlhIngan mangghom, po'qu' Sa`pu`chaj net Sov 'ach Suyma' po'law'
tlhIngan Suy po' puS. wIqay'be'moH."
"qatlh tlhInganpu'vaD chut lucherpu' Sung? maybe'!" jatlh Suy.
ghaytan wIjwI'pu' boQmo' tlhInganpu' boQbogh chut chenmoH yuQ rIp 'e'
lupon tlhInganpu', 'ach boHchoHmo' Mahoun QIjbe'. much vanmeH jatlh
"vay' wISutlh qatlho'."
---
SKI: A junior merchant learns that Klingons don't necessarily have to
conquer the planet to control its government and economy.
--=====================_908691409==.ALT
Content-Type: text/html; charset="us-ascii"
<html>
<body>
You know it's going to be an exciting chapter because Mahoun just started
off the morning meeting with advice from the ship's lawyer. <br>
<div align="center">49<br><br>
</div>
Qu' De' muchchoH Suy. Sup Sar je'rupbogh, Dochmey Sar ngevlaHbogh je qel.
HaStaDaq nagh beQmey, toghbogh mIlloghmey, mI'mey je cha'taH Suy.
potlhba' je'meH to' 'ej Qulchu'be'ta'chugh vay', pIj bep Mahoun. 'a
DaHjaj DalchoH much. 'eSSIm porgh qawchoH HoD. moHbej tlhIngan qab, 'ach
SeymoH SomrawDu'Daj 'ej chabDu'Daj Doj law' HochHom yelwIyyItngan be'pu'
chabDu' Doj puS. jatlhtaH Suy. ram chabDu'Daj. yuQvam tIr Daj Dellaw'taH.
ghaqchoH QeDpIn. lam QaDqu' cherghlaHmo' 'ej Sarqu'mo' mut, mIDmeyvaD
lI'qu' tIr. choH'eghlaH. yuQvam Daqvo' mIDmeyvaD ngeD HIjmeH Qu'. ghaq
jonpIn. ma'laH Duj 'ej qIt choqmeH Hat. tIr law' je' neH SuypIn. SutlhmeH
to' muchchoH Suy.<br><br>
qagh chutpIn. jatlh “yuQvamDaq tIr ngevpa' nov qoj je'pa' nov, chaw'nIS
tlhIngan Duy.” <br><br>
jatlh Suy “yuQvam SeHbe' tlhIngan wo' net jatlh.”<br><br>
jatlh chutpIn, “bIlugh. mabmo' qum'egh Hoch mIchvam yuQmey 'ej nIS
latlhpu' net tuch. yuQvamvaD mab luwemrupbe'law' tlhIngan, 'a naDev
mechlaH Hoch. ”<br><br>
Suy Qup mawlaw' chut. jatlh “tIrvetlh le' lupegh luneHlaw'
tlhIngan!”<br><br>
jatlh Mahoun. “ghaytan pagh lupegh. ghaytan tIr qutlh luneH neH
tlhInganpu'. Huch law' wIDIlqangchugh, tlhInganvaD ngevqangbe'choH
Sungpu'. ghaytan chutvam wIpabchugh, tIr wIje' wIneH DuyvaD majatlhDI',
maHvaD tIr lungev tlhInganpu'. vaj chep chaH 'ej Huch law' wIDIlnIS maH.
wIqeltaH Suy nab wI'oghtaHvIS. yuQ charghtaHvIS tlhIngan mangghom, po'qu'
Sa`pu`chaj net Sov 'ach Suyma' po'law' tlhIngan Suy po' puS.
wIqay'be'moH.” <br><br>
“qatlh tlhInganpu'vaD chut lucherpu' Sung? maybe'!” jatlh Suy. <br><br>
ghaytan wIjwI'pu' boQmo' tlhInganpu' boQbogh chut chenmoH yuQ rIp 'e'
lupon tlhInganpu', 'ach boHchoHmo' Mahoun QIjbe'. much vanmeH jatlh “vay'
wISutlh qatlho'.”<br>
---<br>
SKI: A junior merchant learns that Klingons don't necessarily have to
conquer the planet to control its government and economy. </body>
</html>
--=====================_908691409==.ALT--
--===============7157376182447282685==
Content-Type: text/plain; charset="us-ascii"
MIME-Version: 1.0
Content-Transfer-Encoding: 7bit
Content-Disposition: inline
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
--===============7157376182447282685==--
