[90034] in tlhIngan-Hol
[Tlhingan-hol] tlhIngan Hol jatlhwI'pu'qoq
daemon@ATHENA.MIT.EDU (Qov)
Fri Oct 7 22:15:09 2011
Date: Fri, 07 Oct 2011 20:09:22 -0700
To: tlhIngan-Hol@kli.org
From: Qov <robyn@flyingstart.ca>
Errors-To: tlhingan-hol-bounces@stodi.digitalkingdom.org
'arlogh qaSpu'? tlhIngan Hol Dajatlhbogh 'e' SovchoHDI' vay' jatlh
<tlhIngan Hol jatlh je jupwI'.>
<gholIH>, bIjatlh. jup DaqIH. 'ej tlhIngan Hol jatlhbe'.
loSHu' jatlh loDnalwI' <Qe'Daq vImaSbogh tlhIngan Hol jatlh jabwI'
chu' ja' Qe' pIn>.
jIlma' ghaHpu' Qe' pIn'e'. wa'Hu' tlhIngan Hol jatlhbogh jabwI''e'
vIqIHmeH Qe' wIghoS jIH loDnalwI' je.
jabwI'vaD jatlh Qe' pIn <nISuch vay'>. raSmajDaq paw. mu' 'ar jatlh 'e' yIloy'.
ghaytan bIlugh: pagh. muyajbe'chu' 'ej tlhIngan Hol jatlhQo'.
<jIrop> jatlh. <tlhIngan Hol vIjatlhrupbe'>.
chay' tlhIngan Hol Daghojpu' jIjatlh.
ghojmoH pIn jatlh.
ngugh Qe' Davum je? jIjatlh.
HIja' jatlh 'ej Qe' pong ja'. DaH latlh tlhIngan Hol jatlhwI'qoq
vISammeH latlh Qe' vISuchnIS.
latlhpu'vaD qaStaH'a' je?
- Qov
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
