[89756] in tlhIngan-Hol
[Tlhingan-hol] vavwI' lut - De'wI'
daemon@ATHENA.MIT.EDU (ghunchu'wI' 'utlh)
Tue Sep 20 14:01:11 2011
Date: Tue, 20 Sep 2011 14:00:40 -0400
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-To: tlhingan-hol-bounces@stodi.digitalkingdom.org
QuptaHvIS vavwI', DuSaQDaq De'wI' tIn lo'.
_Illiac_ wa' ponglu'.
ghunmeH, langbogh nav tIq DuQ 'ej qungmey chenmoH.
Hoch nav tutDaq qIt loS qung. SaHlaH pagh DachlaH Hoch qung.
vaj wa'maH jav mI'mey 'oSlaH wa' nav tut.
DaHjaj patvam lughov ghunwI' law': 'oHvaD _Hexadecimal_ ponglu'.
'ach HaDtaHvIS vavwI', wej chenpu' pongvetlh.
_Sexadecimal_ pat lo' Illiac.
A B C D E F lo'be'. K S N J F L lo'.
rut maja'chuq vavwI' jIH je, De'wI' mI'mey DIqeltaHvIS.
wa'logh jIqeqmeH, Hexadecimal mI'mey vISIm.
jIlugh 'e' 'ol ghaH. pay' mISchu' ghaH.
jIlugh 'e' vISovchu' 'ach jImuj 'e' qap ghaH.
mIwwIj vIQIjDI' QaghDaj tlhoj.
jaS _F_ wIyajpu'.
pat motlh vIlo'mo' <wa'maH vagh> 'oS.
bong pat notlh lo'mo' ghaH <wa'maH loS> 'oS 'e' Qub.
wanI'vam tlhaQmo' mI' pat pIm DIqelchoH.
ghaHvo' ngoDmey law' vIghoj.
DaHjaj SovDaj vIqeng. puqloDwI'vaD vInoblI'.
-- ghunchu'wI'
_______________________________________________
Tlhingan-hol mailing list
Tlhingan-hol@stodi.digitalkingdom.org
http://stodi.digitalkingdom.org/mailman/listinfo/tlhingan-hol
