[89701] in tlhIngan-Hol
nuq bop bom: 'ay' cha'maH loS
daemon@ATHENA.MIT.EDU (Robyn Stewart)
Thu Sep 15 11:53:27 2011
Date: Wed, 14 Sep 2011 13:10:31 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
I think everyone knows what's going on here by now. Full story to
date at: http://nuqbopbom.blogspot.com
In the previous episode I recapped the general lack of function of
the Klingon ship, and the captain wandered through the bridge aft
door to the main corridor. Yep, that's pretty much all that happened.
----
24
mIch cha'Daq QamtaH HoD. tam Duj. roD naDev nuH HoS 'och QoylaH.
motlh reH baHbeHmo' reH vegh HoS. Dachmo' wabvetlh qarHa'law' Duj.
Sojpa' lojmIt poSmoH. Say'moHbejta' Hung yaS. Sojpa' retlhDaq Soj
polmeH pa' nuD HoD. Heghpu'mo' 'ej choqlu'pu'mo' Hoch Soj, 'eybe'.
QaDqu' HochHom. Soj mojmeH bIQ chelnISlu'. 'up, 'ach yap. 'utbe' bel.
latlh Soj polmeH pa' naw'meH HoD, ravDaq lojmItHom ngaQHa'moH 'ej
ghIr. ngaSwI' qengtaHvIS meHDaq chegh.
"maloprup," jatlh chIjwI', ngaSwI' leghpu'pa'.
"nuq wIlop?" ghel HoD.
"tugh, qaStaHvIS wa' Hogh loghDaq malenglI', nuH, pIvghor, Hongghor
je DIHutlhtaHvIS, 'ej maSuvruptaH."
"'ej wej maHoHchuqchoHpu'," jatlh yaS wa'DIch.
"pelop! wa'leS chaq maHegh!" maq Hung yaS.
Hagh HoD. Heghbe'pu'chugh ghIrel, beq DubmoHbejpu' ghu'. 'ej reH
loprup tlhIngan. HIvje'mey SuqmeH HoDpa' ghoS. HIvje' qengmeH ghaH
poS ghop lo' 'e' qaw.' ghaH nIH[2] lo'chugh 'oy'qu'taH. HIvje'mey
qengtaHvIS meHDaq cheghqa'DI' toghlI' DeghwI'. "Hut ... chorgh ...
Soch ... jav ... vagh ..." toghtaHvIS, HIvje'meyDaq wornagh qang HoD
'ej HochvaD nob.[1] "loS ... wej ... cha' ... wa' ... pagh! qaStaHvIS
wa' Hogh ghoStaH pIpyuS rIgh!" meHDaq paw' QuchDu', HIvje'mey je.
tugh bom 'ej Hagh loS tlhInganpu' Quch. DIvI' DujDaq meHDaq HIq
tlhutlh net tuch net jatlh. "qatlh?" 'e' SIv vajar. chaq HIq chaghDI'
vay' cherghlaHbe' DIvI' ravmey tun.
pay' QomchoHmo' meH, HIq chaghchoH Hoch.[3]
-----
SKI: The crew's celebration of their first week of survival is
interrupted by a bridge lurch.
[1] Let it be stated here for my professional record that I do not
share the opinions or practices of this Klingon captain with respect
to alcohol on the flight deck. And it's not because my console could
explode. But I think it's hilarious and I'm going to have alcohol on
vajar's bridge every chance I get.
[2] A discussion with QeS made me decide that nIH and poS should be
used the same way as tlhop and 'em. I've always been uncomfortable
using them the way I used to and I love using them this way.
[3] It wouldn't be Star Trek if I didn't start things off with a
bridge lurch. "Don't drink and navigate, or you might experience a
tremor and drop alcohol on your fancy bridge carpeting."
