[89481] in tlhIngan-Hol
Re: vavwI' lut - lIH
daemon@ATHENA.MIT.EDU (Rohan Fenwick - QeS 'utlh)
Wed Sep 7 07:39:18 2011
From: Rohan Fenwick - QeS 'utlh <qeslagh@hotmail.com>
To: <tlhingan-hol@kli.org>
Date: Wed, 7 Sep 2011 21:27:32 +1000
In-Reply-To:
<CAFK8js3cAQ2gxU3EDScnRfAo0LcFEEMeVDYdHmqGMJjOHnjweg@mail.gmail.com>
Errors-to: tlhingan-hol-bounce@kli.org
Reply-to: tlhingan-hol@kli.org
not vavlI' vIqIH 'ach loD'a' le' ghaHba'. mu'meylIj 'IHmo', vavlI' Daquvqu'moHta' 'ej batlh 'e' DarInmoH.
reH Daqawchugh vaj reH Dutlhej.
QeS
----------------------------------------
> Date: Tue, 6 Sep 2011 11:19:54 -0400
> Subject: vavwI' lut - lIH
> From: qunchuy@alcaco.net
> To: tlhingan-hol@kli.org
>
> ghe'naQ 'oHbe' vavwI' yIn'e'.
> nuv motlh ghaH, wa' wen 'e' vIHar.
> ghu' Qatlh juvmeH 'ul pat nap 'oghta', qar. vavwI' ghaH neH.
> Alaska Such qorDu'wIj 'ortaHvIS ghaH, qar. vavwI' ghaH neH.
> juHmaj 'emDaq De'wI' wIchenmoH ghaH jIH je, qar. vavwI' ghaH neH.
> ngem lurDech vIghojmeH mughojmoH ghaH, qar. vavwI' ghaH neH.
> veng Hop QIHDI' SuS'a', 'ej lujDI' veng Qumpat motlh, leng ghaH 'ej
> chach QumwI' gheS, qar.
> qaStaHvIS javmaH DIS tlharghloD tum ("Boy Scouts of America") boQ.
> qoq 'ovwI' ghom boQ.
> chIrghvaD Huch loH.
> 'ul SIrghmey choH.
> muD Hat pat loH 'ej leH.
> qar...'ach le'be', vavwI' ghaH neH.
>
> nuv motlh ghaH, wa' wen 'e' vIHar.
> DaH nuv'a' ghaHpu' 'e' vItlhojchu'.
> ta' law'qu' rInmoHta'.
> yIn law'qu' SIghta'.
> van law'qu' bajta'.
>
> puqloDDaj jIHmo' jIHem.
> vIqawtaHvIS reH batlh jIvangjaj.
> reH lurDechDaj vIquvmoHjaj.
>
> ghe'naQ 'oHbe' yInDaj'e'.
> lut'a' Daj vImuchlaHbe'.
> lutHommey mach neH vImuchlaH.
> 'ach law' lutHommeyvam.
> ghaytan tlhetlhtaHvIS DIS, vaghmaH lutHommey vIqon.
> chaq loQ vavwI' boSovchoH 'ej boqawlaH je tlhIH.
>
> -- ghunchu'wI'
>
>
>
