[89388] in tlhIngan-Hol
nuq bop bom: 'ay' wa'maH wej
daemon@ATHENA.MIT.EDU (Robyn Stewart)
Fri Sep 2 11:19:31 2011
Date: Fri, 02 Sep 2011 08:13:52 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
Okay, chapter thirteen of my story. You all know the drill by now.
Questions, comments, points of grammar, vocabulary suggestions and
plot holes large enough to lose a ship with warp capability: bring 'em on.
13
Huy'Du' pep QeDpIn 'ej lojmIt ngaQmoH.
jatlhqa' HoD, "DaH lut qaja'."
"ghe'naQ 'oHbe'nIS."
"Do'Ha' ghe'naQ 'oHbe'. yI'Ij. HInoHQo'."
ba'choH QeDpIn. 'Ijrup.
lut ja'choH HoD. "ben law' tepqengwI' DujDaq jItoy'. ngugh yaS
jIHbe'. HIpmey chobmey je vISay'moH neH." mon HoD. "logh vIlegh
vIneHqu'mo' 'ej Huch vIHutlhmo' Hoch Qu' vIlajqang.
"wa' jaj Dujmaj lujon tlhInganpu'. jIvumtaHvIS pay' jol tlhIngan
SuvwI' law.' Doj. Say'moHwI'wIj vIchagh. jIqet vIneH 'ach muDech
chaH. tlhInganvaD jIjeghmeH mIw vISovbe'. jItor 'ej nachwIj 'emDaq
ghopDu' vIlan, rav vIbejtaHvIS. jejqu' DaSpu'chaj 'e' vIqaw.
mupupbe'meH jIvIHbe'qu'.
"jaj wa'DIch DujmajDaq muwegh. DubwIj 'emDaq DeSDu'wIj bagh 'ej
choQDaq ngIbDu'wIj ngaQ mIrmey. jIjatlhlaHbe'meH 'ej jIleghlaHbe'meH
nujwIj mInDu'wIj je bagh je. lutlh 'ach vaQ. qaStaHvIS jajvetlh
tlhIngan ghogh vIQoy. chobmeyDaq Dochmey 'ugh luHtaH chaH. tep
lunIHlI' neH 'e' vIHar. ghIq jI'ItchoH 'ej beqwIj luwoDmeH, ngIq
HIchDalDaq qenglI' 'e' vIHarchoH. tagha' jIH munge'. ngIbDu'wIjDaq
SaHtaHvIS mIr jIyIt 'e' luraD. jIyajlaHbe'. vIleghlaHbe'.
jIjatlhlaHbe'. jIyItHa'DI' 'oy'naQ lo'.
"chobmeyvetlh vISovqu'mo' HIchDal wIghoS 'e' vISov. jIyIn vIneHqu'.
poSchoH HIchDal megh'an lojmIt 'ej vI'el 'e' luraD. SoQchoH HIchDal
lojmIt 'e' vIQoyDI' jIDej, jISaQtaHvIS. poSchoHDI' HIchDal 'e'rIn
lojmIt, mejchoH muD 'e' vIloS 'ach ... qaSbe'. 'el latlh tlhInganpu'.
jIQamqa'meH muqIpqa' 'oy'naQ. jIyIntaHmo' 'oy'vetlh vItlho'. DeSwIj
baghlu'mo' nIteb jIQamchoHlaHbe', 'a jItor 'ej qIvDu'wIjDaq jIyIt.
jIyItmeH mupep tlhInganpu'. ghegh DIrDaj. tlhIngan Duj wItIjmeH
HIchDal wIvegh. chobmey wIvegh, ghIq jIba' 'e' luraD. mInDu'wIj
nujwIj je tlhabmoH vay' 'ej tlhIngan Duj qoD, yu'wI'pu'wI' je vIleghlaH."
"yu'wI' ghaH'a' tlhIngan HoDvetlh?"
"ghobe'. ghu'wIj DayajmeH wanI'meyvam qaja' neH." QeDpIn qab bej HoD.
"DayajlaH'a'? bIHegh 'e' DaHar, ghIq bIHeghbe', a ratlh pagh.
bIyIntaHmo' 'oy''e' Datlho'. yIn neH Daghaj 'a yInvetlh SeHchu' jagh
DaleghvIpbogh? ghu'vetlh DaSIQ'a'? not, qar'a'?"
jangbe' QeDpIn 'a Qochbe' qab.
jatlhqa' HoD. "Dochmey vISIQ. Dochmey vIQoy. Dochmey vIlegh 'ej
Dochmey vIlargh neH 'a not vIlIjlaH.[1] Hoch jaj jIHegh 'e' vIHar. 'a
jIHeghbe'. jIHeghbe'meH vang wa' 'avwI'. bIghHa'Daq mu'av. bIQ nob.
Soj nob. choQ lamDaq jIQottaHmo' DeSDu'wIj lungejchoHlu'DI', nonchoH
porghwIj 'e' tu' ghaH 'ej Qel rI'. 'ej jIpumbe'meH mubachpa' jIQot 'e' ra'."
"yI'Ij'egh! DuHoHbe'mo' Duweghbogh 'ej Dubachbogh loD Davuv! pong
ghaj roplIj. pong vIlIj 'a quchlu'wI' noyvaD ponglu'."[2]
"yIleS. jISov. mIgh Hoch tlhIngan. vIHubbe'. 'ach yIqel: Huj
DeSDu'wIj DIr 'ach pIvqu' DeSDu''e'. muvorbe'pu'chugh tlhIngan cham,
ghaytan DeSDu' vIHutlh pagh jIHeghpu'. tlhIngan vIwel 'e' vImuS.
jIHvaD Qel rI'. ghaHvaD tlhIngan vIrI'. pItlh. may. vIlIjlaH.
"ghaHvaD pagh Dawel! Duwel. nIwel Hoch tlhIngan. nIwegh. nIbach.
nIrIQmoH. nIvorchu'be'."
"bortaS vISuq 'e' DamaS'a'? loghDaq Hegh chaH 'e' DamaS'a'? yap. pa'
bISaHbe'pu'mo' bIyajlaHbe'. ghu' choHbe' rop pong. chobojtaHchugh
jIqejchoH 'ej jIqejtaHchugh beq naQ vInuQ 'ej Quch pagh. SaQchoH
chelwI' DaneH'a'? Doch boch yIpojchoH. yIruch."
"lu' HoD." lojmIt SoQmoHtaHvIS QeDpIn, chIch chuSmoH.
chuSDI' lojmIt QeDpIn bejchoH beq. DaH meHDaq SaH chIjwI', QumpIn,
jonwI' boQ, chelwI' je.
"HoD DaSujbe' 'e' vIchup" jatlh QeDpIn, meH tlheDtaHvIS.
----
[1] This line dedicated to SuStel's former teacher. Doch vIlo' 'e' tuch pagh.
[2] Humans named it after Stockholm, but these guys aren't human.
They named it after a famous abductee, whose name the QeDpIn does not
recall, and isn't going to, because it's irrelevant to the story.
Summary for the Klingon Impaired: The captain tells his science
officer about his experiences being captured and imprisoned by
Klingons, including what happened to the skin on his arms.
