[89334] in tlhIngan-Hol
nuq bop bom: 'ay' wa'maH cha'
daemon@ATHENA.MIT.EDU (Robyn Stewart)
Thu Sep 1 12:23:03 2011
Date: Thu, 01 Sep 2011 09:05:48 -0700
To: tlhIngan-Hol@kli.org
From: Robyn Stewart <robyn@flyingstart.ca>
Errors-to: tlhingan-hol-bounce@kli.org
Reply-to: tlhingan-hol@kli.org
taHlI' lut. maHun HoD DujDaq maHtaH vaj QIchchaj mughlu'ba'.
12
qaSpu'DI' wej'maH tup meHDaq chegh HoD. chIjwI' yaH ghoS 'ej ghaHvaD
jatlh "ghoch chu' yIghun. naDev Quv tu'lu'." yaHDajDaq navHom lan
HoD. pa', navHomDaq chagh bIQHom. SaQtaH chIjwI' pay' 'e' tlhoj HoD.
He ghuntaHvIS chIjwI' QomtaH volchaHDu'Daj 'ej cha'logh mInDu' yach
ghopDaj. "chu'ta, HoD," jatlh, 'ej ghogh ngaDmoH 'e' Qap.
"maj" jatlh HoD. navHom nge'. QeDpInvaD jatlh, "pa'wIjDaq HItlhej."
HoD pa'Daq QeDpInvaD navHom cha'. "Quv vIghovbe'," jatlh QeDpIn.
"potlhbe' Quv," jatlh HoD. "yuQ ram 'oH. pa' tlhIngan wo' Duy tu'lu'.
Sungpu'vaD Satlh ghojmoHlI'. 'a qatlh yIQ navHom?"
navHom Hot 'e' mev QeDpIn. "taS vIpojlaH. bIQ rur. chaq pey 'oH. chaq
SuQ. nuqDaq--"
Hagh 'ej qagh HoD. "navwIj 'oH. bIQ na' 'oH neH. SaQtaH chIjwI'.
qatlh? nuQ'a' vay'?"
nachDaj Der[6] QeDpIn. "vItu'be'. batlh toy'law' 'ej qun pagh."
"toH. yaHDaj yItlhap. naDev ghaH yIngeH."
mej QeDpIn 'ej tugh 'el chIjwI'. yIQbe' qabDaj 'ach Doq mInDu'.
"yIba'," jatlh HoD. "nIghIj'a' tlhInganpu'?"
"loQ," jang chIjwI'. "vaQ chaH. bIjatlhtaHvIS buQchuq."
"Sun Hutlh. nubuQbe'."
"'e' vISov."
"vaj SoHvaD qay' nuq?"
SaQqa' chIjwI'. "Dujoy'mo'. Dujoy' 'ej pa' bIQam ... tu'lummey'e'
DangevtaHvIS!"
"mujoy'be' ghaH. ben ghaHvaD jIbom. nov qab ghovlaHbe'mo' tlhIngan,
mughovlaHmeH DeSDu'wIj vI'angnIS. DaHjaj ghaHvaD jIbomqa'. malja' 'oH
neH. pItlh."
"jIQoS."
"qay'be'. batlh bItoy'. bI'IQ vIneHbe'. yaHlIj yIghoS. meH DaSeH."
"luq HoD!" jatlh. HoD pa' lojmIt poSmoHDI' latlhpu'vaD jatlh HoD.
"meH SeH ghaH."
SoQqa'pa' lojmIt 'elqa' QeDpIn.
"vaj qaStaH nuq?"
"mujoy' tlhIngan 'e' Har. 'IQmoH. mujoy'be' jIjatlh. QuchmoH. rIntaH."
"rInbe'!" HoD DeS 'angmeH, pe'vIl HoD tlhay vIH QeDpIn.
"Dajoy'lu'ba'. beq DaghIjtaH. DaH tlhInganvaD Qu' Data'lI'. qatlh?"
yev HoD. "lojmIt yIngaQmoH."
[6] I just told off QeS for doing the same thing. Does it work here?
Is there a better way?
Summary for the Klingon Impaired: In the eleventh chapter of an
ongoing story the captain cheers up the navigator, but his science
officer is not convinced that the matter is settled.
