[89195] in tlhIngan-Hol
chIjwI' qanqu' bom: 'ay' wa'
daemon@ATHENA.MIT.EDU (Rohan Fenwick - QeS 'utlh)
Sat Aug 27 05:26:54 2011
From: Rohan Fenwick - QeS 'utlh <qeslagh@hotmail.com>
To: <tlhingan-hol@kli.org>
Date: Sat, 27 Aug 2011 19:16:10 +1000
Errors-to: tlhingan-hol-bounce@kli.org
Reply-to: tlhingan-hol@kli.org
I've been struggling for a while with a translation of Coleridge's "Rime of
the Ancient Mariner" that I've just recently come back to, as I'm a bit more
confident now producing a decent range of structures. The story Qov's posting
has inspired me to post some of it. This is Part I; comments, suggestions or
corrections are very welcome. (If nothing else it's a nice opportunity to use
the word {yatqap}.)
chIjwI' qanqu' bom: 'ay' wa'
The Rime of the Ancient Mariner: Part I
naDev Duj chIjwI' qan tu'lu', 'ej wej nuv'e' wa' mev.
« rol tIq mIn boch je ghajbogh loD, qatlh jupwI'vo' chochev?
SawwI''e' poSqu' lojmItDaj, 'ej cha'DIchDaj vImoj.
ghompu'qu' meb, ngopDaj luteb; DaQoy chaq 'e' Datlhoj. »
lopwI' DeS 'uch beq qan ghop lang; « Duj'e' tu'lu'pu', » jatlh.
« Qu'vatlh! HI'uchHa', qoH qanqu'! » tugh DopDajDaq ghop tatlh.
'ach ratlhmoHmeH 'ut neH mInDaj – 'ej vIHlaHbe'qu' meb;
'ej 'IjtaHvIS wej ben puq rur; ghaH charghta' chIjwI' 'eb.
naghDaq ba'choH SawtaHghach meb, QoyHa'laHbe' wIvDI';
'ej vaj jatlhtaH beq loDvetlh ngo', mIn boch ghajbogh chIjwI'.
« Quchqu' beqpu', maverghHa'pu', mayon, malolchu'taH,
chIrgh HuD je bIngDaq matlheDlaw', wovmoHwI'vo' majaH.
'ej maH poSDaq narghpu' jul 'IH, bIQ'a'vo' SalchoHqu',
'ej wovchoH, ghIq maH nIHDaq ghIr, bIQ'a'Daq 'elqa'pu'.
ngIq jaj jenchoH 'ej jenqu'choH, tagha' jenqa'laHbe' – »
ro mupchoHlI' Sawghach lopwI', meSchuS Qoymo' ghaH'e'.
vaS'a'Daq 'elqu'pu' naywI', SuDqu', chal rurchu' ghaH;
'ej QuchtaHvIS lunung bomwI', vIHtaHvIS nachDaj jaH.
roDaj qIpqa' SawtaHghach meb, QoyHa'laHbe' wIvDI';
'ej vaj jatlhtaH beq loDvetlh ngo', mIn boch ghajbogh chIjwI'.
« 'ej DaH nujaH jevbogh SuS'a', HoSghaj 'ej Qobqu'chu':
numup, nuqIp, nujuS SuS tel, 'ej tIngDaq nuraDqu'.
Dujmaj'e' ronchoH 'ej torchoH; jach gheb je lo'bogh SuvwI' yoH,
jaghDaj QIb wambogh tlha'wI' boH, nach torwI' je rurlaw',
« nom! » ra' Duj pIn, jachlaw' wab tIn, pa'vo' tIngDaq maHaw'.
'ej DaH narghchoH 'eng 'ej peDchoH, 'ej pay' bIrqu'choH muD;
'ej bIQDaq chuch wIjuS, wISuch, HuD woch rurbogh chuch SuD.
'engmey jojDaq, bIrbogh qojDaq taQqu'law' Hoch 'ej wov;
Dat chuch'a'mo' loDpu''e' So', pagh Ha'DIbaH wIghov.
naDev 'oHtaH, pa' 'oHtaH je, Dat 'oHtaHqu' chuch'e',
'oHvo' wab law' luQoylu'law', rur vullaw'bogh nuch'e'.
pay' 'engmeyvo' nargh yatqap'e', 'engmeyvo' nughoSlI'.
wIrI'meH qeylIS pong wIlo', qa' 'oHlaw'mo' wIrI'.
Soj'e' Sopbe'pu'bogh SoplaH, 'ej maH nutlhejchoHlI'.
chuch'a''e' ghor, 'ej muD'e' jor, muveghmoHta' DeghwI'!
'ej maH 'emDaq narghchoH SuS HoS, nutlha'taHqu' yatqap.
'ej Hoch jaj jachchugh beq, nughoS; SojvaD belvaD neH ghap!
ghunDI', SISDI', 'etDaq, 'o'Daq, qaStaHvIS Hut ram ngun,
Hoch ram chalDaq, 'engmey chISDaq Hoch wovmoH maSwov Dun. »
« DughIj veqlargh, chIjwI' qanqu'! nIQanqu'jaj Qun'a'!
qatlh bI'IQtaH? » « 'oHDaq jIbaH, 'ej yatqap vIHoHta'. »
QeS 'utlh
