[89112] in tlhIngan-Hol
mu'mey chu': 'o
daemon@ATHENA.MIT.EDU (ghunchu'wI' 'utlh)
Sun Aug 21 01:42:59 2011
Date: Sun, 21 Aug 2011 01:34:08 -0400
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
ghe'naQ <'u'> bom mu'mey DIlaD 'ej DIchov.
ghItlhDaq 'op mu'mey DISovpu'be'bogh DItu'.
chorgh mu' ghaj tetlh vIgherbogh.
naDev wa' chuvmey vImuch: <'o>
mu'vam wItu'DI' tlhoS wIbuSHa'.
nuv ja'choHDI' bom, nuv pong nung <'o>.
chaq Dap wab neH 'oH.
'ach 'op mu'tlheghDaq <'o> wIlegh 'ej mu'tlheghvam rurbogh latlhDaq wIleghbe'.
rurchuqbej ghu'meyvam. chay' pIm?
qeylIS pong nung <'o>. molor pong nungbe'.
<'o qeylIS, qeylIS...> jatlh bom. <molor, molor...> neH jatlh.
chaq naDmeH mu' 'oH. chaq quvmoHmeH mu' 'oH.
-- ghunchu'wI'
