[88941] in tlhIngan-Hol
HuDmeyDaq jIghIQlI'
daemon@ATHENA.MIT.EDU (ghunchu'wI' 'utlh)
Fri Jul 8 13:56:39 2011
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Date: Thu, 7 Jul 2011 16:42:51 -0600
Errors-to: tlhingan-hol-bounce@kli.org
Reply-to: tlhingan-hol@kli.org
jIQuch. QaptaH juHDujmaj mach. 'oHDaq maQong. Hur raSDaq maSop. roD
jIvut. jotmoH bIQtIq wab. jIQuchbej.
vagh Hu' vengmajvo' Hoqmaj wItagh. ram wa'DIch juppu' juH wISuch. ram
cha'DIch raQHom QIvDaq maleS. wej Hu' QI'tu'Daq mapaw. Sumqu' chal.
ghun pemmey. bIr rammey 'ach nubIrbe'moH juHDuj.
tIn bIQtIq. peDqu'pu'mo' 'ej tetlI' chuch nom vIHtaH bIQ. roD bIQtIq
HeHDaq naghHommeyDaq maQamlaH 'ach DUSvam pa' maQamchugh mayIQqu'choH.
wa'Hu' bIQ tujDaq mareH. majaw latlhpu' maH je. Hawaii nganpu' DIqIH.
matlhong: chaHvaD Pepsi wInobmo' chaHvo' HIq wIHev. HoDghaj HIq; loQ
chechchoH be'nalwI'.
wa'leS veng tay wIghoS. Soj wIje'. Pizza Hut megh le' wISop. Sutmaj
wISay'moH. ghaytan pa' lab'egh QInvam.
-- ghunchu'wI'
