[88806] in tlhIngan-Hol
Re: tugh jIghIQ
daemon@ATHENA.MIT.EDU (lojmIt tI'wI' nuv)
Fri Feb 11 11:40:33 2011
From: "lojmIt tI'wI' nuv" <lojmitti7wi7nuv@gmail.com>
In-Reply-To: <AANLkTim2nmz8ooD=MgtXneohGv35TgtcFx+UvBqHODjs@mail.gmail.com>
Date: Fri, 11 Feb 2011 11:34:57 -0500
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
chech'a' raQpo'vetlh?
chech HochHom raQpo'pu' 'e' vIpIHnIS 'e' ghuHmoH be'nI'wI'.
HIq tlhutlhQo' jupwI'. lengvam vIjeSmeH mutlhob jupvam.
bIQ'a' qughmeH latlh Duj'a'Daq lengpu' jupvam. tlhej latlh. chechchoHchu' nuvvetlh. 'emqu'. vulchoH 'ej SertaHvIS jaj vultaH. belHa' jupwI'. not jIchechmo', lengvamvaD muwIv.
HuchwIj vIvuvmo' jISuDQo'. vIlo'. vInatlhbe'. vIbaj. vIQapbe'.
pItlh.
lojmIt tI'wI' nuv
On Feb 10, 2011, at 4:20 PM, ghunchu'wI' 'utlh wrote:
> On Thu, Feb 10, 2011 at 2:14 PM, lojmIt tI'wI' nuv
> <lojmitti7wi7nuv@gmail.com> wrote:
>> motlh maghIQDI' mamI' be'nalwI' jIH je, 'ach wanI'vamvaD maqugh neH.
>
> DujDaq mI'meH 'ebmey lutu'lu'bej.
>
>> wa' 'uQvaD HIp SeQ vItuQnISlaw'. QIp qechvam. jISop neH jay'! qatlh HIp SeQ vItuQnIS?
>
> 'uQ SeQ DaSopmeH HIp SeQ DatuQ. ben law' Duj Qe'Daq SoplaH mIpwI'pu'
> neH. reH Sut qub tuQ. notlh ben ghu' 'ej ngeb DaHjaj wanI', 'ach ghet
> 'e' lutIvba' ghot law'.
>
> lut tlhaQ: cha'maH wej ben, qughmeH DujDaq maghIQ jIH be'nalwI' je.
> wa' 'uQmo' HIpvam qIj vItuQ. Qe''a' vIghoStaHvIS, SuDwI' mIch vIvegh.
> jIyIttaHvIS, mumevmoH raQpo'. mIch beq jIH 'e' Qub ghaH 'ej HuchDaj
> vItam 'e' tlhob. raQpo' jIH je 'e' vIQIjDI' 'ej jIghoSqa'DI', mumevmoH
> latlh. beq jIH 'e' Qub je raQpo' cha'DIch. tugh mIchvo' jInargh 'ej
> vImImqa'lu'be'.
>
> -- ghunchu'wI'
>
>
>
