[88801] in tlhIngan-Hol
tugh jIghIQ
daemon@ATHENA.MIT.EDU (lojmIt tI'wI' nuv)
Thu Feb 10 14:22:14 2011
From: "lojmIt tI'wI' nuv" <lojmitti7wi7nuv@gmail.com>
Date: Thu, 10 Feb 2011 14:14:53 -0500
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
wejmaHleS jIghIQchoH. qaStaHvIS wa'maH jaj bIQ'a' Duj'a'Daq jIleng. tInqu' Duj'a'vam. cha'SaD nuvpu' qeng. 'o'Daq rav wejDIchDaq nIHDaq 'oHtaH pa'wIj. pa' Qong wej nuvpu': jIH, be'nalwI', jupwI' je. (yIqIDQo'. pa' maQong neH.)
Baltimorevo' FloridaDaq ghoS, ghIq Bahamas Such, ghIq chegh. ghaytan jIghIQtaHvIS jIQumlaHbe'. jIqugh neH.
motlh maghIQDI' mamI' be'nalwI' jIH je, 'ach wanI'vamvaD maqugh neH. maSop. pemHov tIHmeyDaq maHaH'egh. maleS. maja'chuq. mareH. chaq mapI'choHbe'meH Duj'a' veHDaq maqet. toSmeH yergho' ghaj Duj'a'vam. chaq vItoS.
tlhoy ngo' latlh wo'mey vISuchmeH chaw'wIj. vIchu'qa'moHlI'. poH poQ, 'ach Huch vIchelchugh nom chaw'wIj chenmoH yaSpu', 'e' lulay'. vaj Huch vIchel.
wa' 'uQvaD HIp SeQ vItuQnISlaw'. QIp qechvam. jISop neH jay'! qatlh HIp SeQ vItuQnIS? 'ach vISop 'e' vItIv. vItuQqang.
QIptaH.
bong HIpDaq Soj vIchagh 'ej lamchoH HIpwIj jIbelHa'bej.
pItlh.
lojmIt tI'wI' nuv
