[88782] in tlhIngan-Hol
DaH
daemon@ATHENA.MIT.EDU (lojmIt tI'wI' nuv)
Wed Feb 9 13:06:45 2011
From: "lojmIt tI'wI' nuv" <lojmitti7wi7nuv@gmail.com>
Date: Wed, 9 Feb 2011 12:55:11 -0500
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
megh vISoplI'. meghwIj vIvutta'. roD jIHvaD meghwIj vut be'nalwI', 'ach DachlI'.
wej Qu' toy' be'nalwI':
Qu' wa'DIch: DaHjaj *loDnI'pu' muSHa'bogh veng* (*vIla'DelvIya'*)Daq ghomlI' paqmey polmeH qach'a' vumwI'pu'. jeS be'nalwI'.
Qu' cha'DIch: pa' Dab be'nalwI' be'nI'. be'nI'vam parHa' be'nalwI'. pa' Dab be'nalwI' SoS, vav je. SoS par. vav muS. Hoch SuchnIS.
Qu' wejDIch: may'ron chu' be'nalwI'. cha' may'ron ghaj, 'ach QapHa' wa'. tI'nISlu'. vengvamDaq tI'wI' pup tu'lu'. "Liberty Bellows" ponglu'. pongvam SuqDI' qIDlu'ba'.
vaj wejHu' tlheDmeH He baS lo'bogh lupwI''a''e' lIgh be'nalwI'. wa'Hu' may'ron tI'wI' SuchDI' be'nalwI', may'ronDaj tI'be'lu' 'e' wuq be'nalwI'. ngev 'ej may'ron chu' je'. may'ron ngevbogh tIn law' may'ron je'bogh tIn puS. mach be'nalwI' 'ej may'ron tIn lo'DI' 'oy' volchaH. may'ron ngevbogh 'ugh law' may'ron je'bogh 'ugh puS.
*Honer* ngev. *Italian* may'ron je'. Quchqu'. 'ey may'ronvam ghogh.
qaStaHvIS wa' Hogh SojwIj vISuqnIS. be'nalwI'mo' Qu'vamvaD jIbuDpu' 'ach DaH jIDub. jIbepbe'. jIvutlaHbej.
cha'Hu' rep 'Iq vInatlh. bo'Deghmey QeH vIreH. wa'Hu' vIreHQo'. Qu'wIj vItoy' neH.
pItlh.
lojmIt tI'wI' nuv
