[88715] in tlhIngan-Hol
qoqqoqmey - jaj cha'maH
daemon@ATHENA.MIT.EDU (ghunchu'wI' 'utlh)
Mon Jan 31 10:11:36 2011
Date: Mon, 31 Jan 2011 09:56:55 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj nargh rutlhmey.
toH, lughbe' wa'Hu' rutlhmey.
DaHjaj yaHpu'.
SaH rutlhmey pIm.
SaH je mIr He SeHwI'.
nguSDI' HoS choHwI' je rarlI' beq.
chaq tugh ghoSlaH qoq chu'.
tugh ghoSlaHjaj jay'.
ghoSlaHpa' qoq, QapnIS SoSbor nguSDI' SeHwI'mey je.
SeHwI' pat 'ay'mey lan ghojwI'pu'.
Hoch lurarchoH.
chaq tugh SeHbeH pat.
tugh SeHbeHjaj jay'.
qoq ngo' wIghunqa'.
vIH'eghmoH 'oH wIneH.
nom wIQap.
wa' leQ wIchu'DI', poSDaq tlhe'chu'.
latlh wIchu'DI', nIHDaq tlhe'chu'.
lurgh SeHchu' qoq.
DoS puSDI' HaSta HotlhwI', vangbeH qoq.
lurgh ngu'laH SoSbor 'ej Qeq'eghlaH qoq.
chuq ngu'laH je SoSbor 'ej ghoSlaH qoq.
wa'leS rIn qoq chu' SeHwI' pat...'e' vItul.
-- ghunchu'wI'
