[88713] in tlhIngan-Hol
qoqqoqmey - jaj wa'maH chorgh
daemon@ATHENA.MIT.EDU (ghunchu'wI' 'utlh)
Wed Jan 26 12:55:54 2011
Date: Wed, 26 Jan 2011 12:35:34 -0500
From: "ghunchu'wI' 'utlh" <qunchuy@alcaco.net>
To: tlhingan-hol@kli.org
Errors-to: tlhingan-hol-bounce@kli.org
Reply-to: tlhingan-hol@kli.org
DaHjaj chenlI' qoq chu'.
DaH ro ghaj meyrI'.
baS HomDu' rur.
'ay'mey rarmeH, 'ul muvwI' lulo' chenmoHwI'.
"steel" lo'mo', 'ej tujchoHmo', raghqu'beH.
vaj lunguvmoHIS ghojwI'pu'.
qIj baS HomDu'Hey.
wej vIHlaH chentaHbogh qoq chu'.
nguSDI' rutlhmey je HutlhtaH.
qoq chu' SeHwI' jo luboSlI' 'ul ghom.
Sor HapDaq SoSbor latlh je jom 'e' luHech.
qIj je Sor Hapvam.
rInDI' qoq, ghaytan ghIj.
ghaytan 'ugh.
tlhoy 'ugh 'e' vIHaj.
ma'ovlaHmeH, wej cheb'a' neH ngI'laH qoqmaj.
Dach ghunbogh ghojwI'.
jIngong.
wovmoHwI'mey Doq vIchu' 'ej vIchu'Ha'.
HaSta noch De vIbej.
neSlo'nav ghov noch vIneH.
wovqu'mo' neSlo'nav jImogh.
neSlo'nav retlh ghovbej, 'ach botlh wovqu' leghbe'law'.
ghaytan wovmoHwI' HoS vInupnISmoH.
wa'leS qoq chu'Daq nguSDI'mey lujomruplu'...'e' vItul.
-- ghunchu'wI'
